…ពេលដែលឃើញបុរសម្នាក់នេះដើរទិញដែកអេតចាយហើយប្រាប់គេឯងថា យកមកស្ថាបនារថគ្រោះ បណ្តាអ្នកភូមិក្បែខាងផ្ទុះសំណើចយ៉ាងកក្អឹកហើយលួចសើចចំអកពីក្រោយខ្នងថា បែបទំនេរពេកហើយ ទើបនៅធ្វើរឿងឥតប្រយោជន៍បែបនេះ។ ប៉ុន្តែដល់រថគ្រោះចេញជារូបរាងហើយមានជ្រៀបដូចគេចុករួចបែរជាពោលសរសើរថាពិតជារពឹងដៃផ្ទៃឆ្អែតមែន។បុរសជនជាតិចិនម្នាក់ បានធ្វើឲ្យមនុស្សជាច្រើនកោតសរសើរមិនដាច់ពីមាត់ បន្ទាប់ពីលោកបានបង្កើតរថពាសដែកមួយគ្រឿងពីការបង្គុំដែកផ្សេងៗបញ្ចូលគ្នា។
បុរសរូបនេះគឺជាមនុស្សមានចំណូលចិត្តខាងគ្រឿងម៉ាស៊ីន ហើយបានចំណាយពេលជាច្រើនឆ្នាំច្នៃកគ្រឿងដែកទៅជារថពាសដែក និងបានចំណាយអស់ប្រាក់ប្រមាណជា ៤៤០០ដុល្លារអាមេរិក។លោកមានឈ្មោះ Shi Yangiang អាយុ ៣១ឆ្នាំ ជាជាងម៉ាស៊ីនរស់នៅទីក្រុង Rizhao ខេត្តសានទុង ប្រទេសចិន និងធ្លាប់ធ្វើជាទាហានអស់រយៈពេលជាច្រើនឆ្នាំ។ អតីតយុទ្ធជនរូបនេះ បានជ្រើសរើសអាជីពជាជាងម៉ាស៊ីនព្រោះវាទាក់ទងនឹងយោធា។គំនិតបង្កើតរថពាសដែកផ្ទាល់ខ្លួន គឺកើតមានរយៈពេល ២ឆ្នាំកន្លងទៅហើយ។ លោក Shi បានសិក្សាស្រាវជ្រាវ និងព្រីនចេញជាក្រដាស រួចសម្រេចដើរទិញបន្ទះដែកយានយន្តនានា។ លោកបានចំណាយពេលជាង ៧ខែ ដើម្បីផ្សាផ្គុំទៅជាយានក្នុងក្ដីសុបិនដោយប្រើគ្រឿងបន្លាស់ផ្សេងៗ រួចបាញ់ពណ៌បែបទាហាន។
តើគាត់ចំណេញអ្វីក្នុងការផលិតរថពាសដែកចម្លងមួយនេះ? គាត់បានបង្ហើបឲ្យដឹងថាលោក ធ្លាប់ជួលរថគ្រោះនេះឲ្យអ្នកទេសចរ និងក្រុមផលិតភាពយន្តក្នុងតម្លៃ ១ ៤៧០ដុល្លារ កាលពី ២ឆ្នាំមុន៕
