…ស្ត្រីជាម្តាយម្នាក់នេះពិតជាមានគំនិតថោកទាបមែនដោយបើកភ្លើងខៀវឲ្យកូនស្រីទៅរួមភេទជាមួយបុរសៗរួចហើយក៏តាំងគម្រាមទារប្រាក់។ តែស្នៀតរកប្រាក់ដ៏គំរក់នេះជាប់ខ្នោះដៃហើយ។ប៉ូលិសថៃបានចាប់ខ្លួនស្ត្រីជាម្តាយម្នាក់ បន្ទាប់ពីនាងបានយកកូនស្រីសតិមិនគ្រប់ឱ្យទៅដេកជាមួយបុរស៧នាក់ រួចគំរាមទាលុយរាប់ម៉ឺនដុល្លារ។ ស្ត្រីអាយុ ៣៩ ឆ្នាំរូបនេះត្រូវបានចាប់ខ្លួននៅ Apartment របស់នាង នៅក្រុងបាងកក ។ បុរសទាំងនោះបានប្តឹងស្ត្រីនេះទៅប៉ូលិស ក្រោយពីស្ត្រីជាម្តាយគំរាមទារលុយពីពួកគេដោយចោទពីបទរួមភេទជាមួយកូនស្រីអាយុ ១៩ ឆ្នាំរបស់នាង។
កាសែត Bangkok Post បានសរសេរថា បុរសម្នាក់ជាអាជីវករអាយុ២៤ឆ្នាំនិយាយថា គាត់បានជួបកូនស្រីនេះនៅលើកម្មវិធីណាត់ជួបគ្នាឈ្មោះថា Badoo ដោយបានដោះដូរលេខទូរស័ព្ទគ្នា រួចណាត់ជួបនៅមន្ទីរពេទ្យ Hong Han ។ បុរសនោះបានប្រាប់ប៉ូលិសថា នៅពេលគាត់ជួបក្មេងជំទង់អាយុ ១៩ ឆ្នាំរូបនេះ គាត់យល់ថានាងស្អាតគួរឱ្យទាក់ទាញ ប៉ុន្តែស្ងាត់ស្ងៀម ហើយពួកគេបានរួមដំណេកជាមួយគ្នាមួយយប់នៅរមណីយដ្ឋានមួយ។ ក្រោយមកមួយថ្ងៃ ឪពុករបស់នាងបានប្រាប់អាជីវករម្នាក់នោះថា មានស្ត្រី២នាក់ស្លៀកពាក់ឯកសណ្ឋានរដ្ឋាភិបាលបានទៅផ្ទះគាត់ ហើយនិយាយថាអាជីវកររូបនេះបាន "ល្បួងយកកូនស្រីអាយុ១៩ឆ្នាំទៅរួមភេទ"។ ស្ត្រីពីរនាក់នោះ រួមមានទាំងម្តាយអាយុ ៣៩ ឆ្នាំផង បានគំរាមចាប់ខ្លួនបុរសអាយុ២៤ឆ្នាំរូបនេះ និងទាមទារប្រាក់ ២៥០.០០០ បាត។គាត់បានបង់៥០.០០០បាតសិន ហើយសុំសងលុយសេសសល់នៅសប្តាហ៍ក្រោយ មុនពេលគាត់ដឹងថាក្មេងស្រីនោះមានបញ្ហាសតិមិនគ្រប់ និងត្រូវបានម្តាយយកមកលក់ដើម្បីគំរាមទារប្រាក់ពីពួកគេ។ ប៉ូលិសបានកោះហៅមិត្តរបស់ម្តាយនោះដើម្បីសាកសួរ ដោយនាងជាមិត្តនោះសារភាពថា ម្តាយនេះបានយកកូនស្រីទៅបោកបុរស៦នាក់ផ្សេងទៀតនៅខេត្តអ៊ូប៊ុន ខេត្តខនខែន ខេត្តសាខននគរ និង ខេត្តណងប៊ូឡាំភូ។
ក្រោយការស៊ើបអង្កេតល្អិតល្អន់ ប៉ូលិសបានសុំដីកាចាប់ខ្លួនម្តាយនេះដល់ផ្ទះ ដោយឆែកឆេរឃើញនិងរឹបអូសបានឯកសណ្ឋានរដ្ឋាភិបាល ។ កូនស្រីគាត់ក៏នៅផ្ទះជាមួយម្តាយដែរ ហើយម្តាយនេះត្រូវបាននាំខ្លួនសាកសួរនៅប៉ុស្តិ៍ប៉ូលិស។ ម្តាយនេះបានសារភាពថាបានស្លៀកពាក់ឯកសណ្ឋានរដ្ឋាភិបាលមែន និងត្រូវប៉ូលិសចោទពីបទជំរិតទារប្រាក់ចំនួន១០ករណី៕
Home សង្គមប្លែកៗ ម្តាយចិត្តអប្រិយ…ឲ្យកូនស្រីទៅដេកជាមួយប្រុស រួចហើយគំរាមទារប្រាក់តាមក្រោយ