[wai id="6"]
អ្នកស្រី Hu Xiaoxia រស់នៅក្នុងទីក្រុង Chongqing ប្រទេសចិន ត្រូវបានគេដាក់រហស្សនាមឲ្យថា រាជនីពស់ (វែក) ឬ «Cobra Queen» ក៏ដោយសារតែ អ្នកស្រីមានភាពក្លាហាន ចិញ្ចឹមពស់វែកជាច្រើនក្បាល។អ្នកស្រី Hu បានបើកសិដ្ឋានចិញ្ចឹមសត្វពស់វែក និងសត្វពស់អសិរពិសជាច្រើនប្រភេទផ្សេងទៀត សរុបទាំងអស់មានច្រើនជាង ១,០០០ក្បាលឯណោះ។ បើគិតមកទល់ពេលនេះ អស់រយៈពេលជាង ៤ឆ្នាំហើយសម្រាប់អ្នកស្រី។
ពាណិជ្ជកម្ម
ជារៀងរាល់ព្រឹក អ្នកស្រី Hu តែងតែចូលទៅបោសសម្អាត ក្នុងបន្ទប់ចិញ្ចឹមពស់ និងចាប់កាន់ពួកវា ដើម្បីធ្វើការពិនិត្យនិងធានាឲ្យបានថា សត្វពស់ទាំងអស់នោះមានសុខភាពល្អ អ្វីដែលពិសេសជាងនេះទៅទៀតនោះ អ្នកស្រី Hu ថែមទាំងត្រូវបានគេដឹងថា មានជំនាញនៅក្នុងការធ្វើស្រាថ្នាំ បែបបុរាណចិន ចេញពីសត្វពស់វែកនេះថែមទៀតផង។ ព្រោះគេជឿជាក់ថា វាគឺជាឱសថដ៏ពូកែស័ក្ដិសិទ្ធិ ជួយព្យាបាលជំងឺបានជាច្រើនមុខ ជំនួយដល់សុខភាព យ៉ាងមានប្រសិទ្ធភាពផងដែរ។ថ្លែងប្រាប់កាសែតក្នុងស្រុក អ្នកស្រី Hu បានមានប្រសាសន៍ឲ្យដឹងថា សត្វពស់វែក គឺជាសត្វមានពិស សាហាវបំផុត ដូច្នេះត្រូវតែមានការប្រុងប្រយ័ត្ន ឲ្យបានខ្ពស់បំផុត។ ប៉ុន្តែបើទោះបីជាយ៉ាងណាក្តី អ្នកស្រីបានអះអាងថា សម្រាប់អ្នកស្រីវិញ គឺនៅតែក្លាហាន ហ៊ានប៉ះពាល់ខ្លួនពួកវាជារៀងរាល់ថ្ងៃ តែយើងក៏ត្រូវតែដឹងពីវិធីសាស្ត្រ នៅក្នុងការការពារ និងជួយសង្គ្រោះខ្លួនឯងផងដែរ នៅពេលណាដែលភ្លាត់ស្នៀតត្រូវពស់ចឹក ៕