កាលពីពេលកន្លងទៅនេះ កញ្ញា ចាន់រី ជាសិស្សថ្នាក់ទី១១ ដែលមានរហ័សនាមថា «បងធំមេសាង» បន្ទាប់ពីត្រូវបានសមត្ថកិច្ចអនុញ្ញតឲ្យ ត្រឡប់ទៅផ្ទះក្រោយពីធ្វើការអប់រំរួចមក មិនទាន់បានស្រួលបួលផងស្រាប់ តែឪពុកម្តាយ និងបងប្អូនសាច់ញាតិរបស់នាង លើកគ្នាមកកាន់អធិការដ្ឋាននគរបាលស្រុក ដោយបានស្រែកឡូឡាអុកឡុកជាខ្លាំង និងបានគំរាមចង់ប្តឹងសមត្ថកិច្ចវិញទៀត ដោយអះអាងថា កូនស្រីរបស់គាត់គ្រាន់តែខុសឆ្គងតិចតួច មិនសមណាសមត្ថកិច្ចចាប់វាយខ្នោះនោះទេ ធ្វើបែបនេះគឺប៉ះពាល់ដល់កិត្តិយសរបស់នាងខ្លាំងណាស់។
លោក នូវ ហាច អធិការនគរបាលស្រុកមេសាងបានអោយដឹងថាបានបញ្ជាក់ថា ដោយមើលឃើញពីអាកប្បកិរិយាមិនសមរម្យ របស់គ្រួសារយុវតី ចាន់រី មកលើសមត្ថកិច្ចនោះ ទើបលោករាយការណ៌ឆ្លងយោបល់ទៅលោកព្រះរាជអាជ្ញា ហើយព្រះរាជអាជ្ញា ក៏បញ្ជាអោយកសាងសំណុំរឿងបញ្ជូនទៅសាលាដំបូងខេត្តតែម្តង ដោយចោទប្រកាន់ពីបទ បង្ករបួសស្នាមដោយចេតនាលើអ្នកដទៃ ។
គួររម្លឹកដែរថា យុវតីរហ័សនាម «បងធំមេសាង ខេត្តព្រៃវែង» ដែលត្រូវបានគេចែកចាយវីដេអូក្នុងបណ្ដាញសង្គម Facebook ដោយប្រើប្រាស់ពាក្យសម្ដី និងកាយវិការមិនសមរម្យគំរាមវាយគូជម្លោះ ដោយគ្រាន់តែជិះម៉ូតូមកលេងស្រុករបស់ខ្លួននោះ ត្រូវកម្លាំងសមត្ថកិច្ចតាមចាប់ខ្លួនយកមកសួរនាំ កាលពី ថ្ងៃទី១៣ ខែមករា ឆ្នាំ២០២០។
តាមរយៈវីដេអូចែកចាយក្នុងបណ្ដាញសង្គមនោះ យុវតីខាងលើមានបក្ខពួកជាច្រើននាក់ បានស្ទាក់ម៉ូតូរបស់យុវតីចំនួន ៤នាក់ផ្សេងទៀត ដែលអះអាងថា ជាអ្នកមកពីស្រុកផ្សេង មិនមែននៅស្រុកមេសាងនោះទេ។ ហើយមូលហេតុដែលក្រុមយុវតីខាងលើ ស្ទាក់សួរនាំ និងគំរាមរកវាយគេនោះ ដោយសារតែភាគីម្ខាងទៀត បានមើលមុខឌឺដងដាក់ខ្លួន៕
Home ព្រឹត្តិការណ៍ថ្មីៗ កញ្ញា “បងធំមេសាង ខេត្តព្រៃវែង “ ដាក់កម្លាំងចង់ព័ទ្ធអធិការដ្ឋាននគរបាលស្រុក …