ឃោសនាប្រកាសរកគូស្នេហ៍ ប្រសិនបើនៅស្រុកខ្មែរយើង គេសើចរយៈមាត់ហើយ តែក៏មិនដែលឃើញមានបុគ្គលណាធ្វើរឿងបែបនេះដែរក៏ព្រោះតែខ្មាស់គេកុំឲ្យគេដៀលថាអន់ រកអត់បានគូរស្នេហ៍ដូចគេឯង។ តែសម្រាប់ស្រុកគេរឿងប្រកាសរកគូរស្នេហ៍ សំបូរណាស់ហើយគ្មានអ្នកណាគេសើចយំអីនោះទេ។ ជាការពិតណាស់ បច្ចប្បន្ននេះ មនុស្សមួយចំនួនបានប្រើប្រាស់បណ្ដាញសង្គម ឬ កម្មវិធីនៅលើទូរស័ព្ទផ្សេងៗ ដើម្បីស្វែងរកស្នេហា។ តែសម្រាប់បុរសម្នាក់រស់នៅក្នុងរដ្ឋ Terengganu បែរជាធ្វើបដាដាក់រូបខ្លួនឯង ដើម្បីស្វែងរកស្នេហាទៅវិញ។
បុរសរូបនោះមានឈ្មោះថា Noor Aziro bin Abdullah វ័យ៣៥ឆ្នាំ បានធ្វើបដាដែលបង្ហាញពីរូបរបស់គាត់ផ្ទាល់ ដោយភ្ជាប់ជាមួយនឹងប្រវត្តិរូបសង្ខេប តាំងព្យួរលើបង្គោលនៅទីប្រជុំជន និងនៅឆ្នេរសមុទ្រ Pantau Teluk Bidara។ លោក Noor បាននិយាយថា៖ «ដំបូងឡើយ ខ្ញុំគិតថាការស្វែងរកប្រពន្ធម្នាក់មានប្រសិទ្ធភាពខ្ពស់តាមរយៈបណ្ដាញសង្គមនាៗ ប៉ុន្ដែក្រោយមកខ្ញុំក៏បោះបង់ចោល ព្រោះមើលទៅហាក់បីដូចជាការប្រកួតប្រជែងមួយអីចឹង។ ដូច្នេះហើយបានជាខ្ញុំសម្រេចចិត្តតាំងព្យួរបដា ដោយសង្ឃឹមថាអ្នកដែលរស់នៅក្បែរនោះនឹងចាប់អារម្មណ៍មកលើខ្ញុំ។»
យ៉ាងណាមិញ ក្រោយពីតាំងព្យួរបដាមិនយូរប៉ុន្មានផង លោក Noor បានទទួលទូរស័ព្ទពីមនុស្សស្រីមកពីបួនកន្លែងខុសៗគ្នា ៕
