កាលពី៦ឆ្នាំមុន វេជ្ជបណ្ឌិតមួយរូបរស់នៅប្រទេសថៃ មាននូវចក្ខុវិស័យមួយសម្រាប់ភូមិតូចមួយរបស់គាត់ ដែលជាភូមិបុរាណដ៏មានវ័យចំណាស់ពោពេញដោយធូលីរបស់គាត់ ដើម្បីប្រែក្លាយវាជាតំបន់ទេសចរណ៍ដ៏ទាក់ទាញបំផុត។
ដើម្បីបំពេញក្តីស្រមៃរបស់លោក លោកពិតជាបានធ្វើឲ្យអ្នកភូមិរបស់លោកមានការជឿជាក់ខ្លាំង ក្នុងការចិញ្ចឹមសត្វពស់នៅក្នុងផ្ទះរបស់ពួកគេ ដើម្បីបង្ហាញពួកវាដល់ភ្ញៀវទេសចរ។
ក្តីស្រមៃរបស់លោកបានក្លាយជាការពិតដ៏គួរឲ្យភ្ញាក់ផ្អើល ហើយសព្វថ្ងៃនេះ ភូមិ Ban Kok Sa-Nga ស្ថិតនៅខេត្តភាគឦសាន ខុន កេន ប្រទេសថៃ ត្រូវបានគេស្គាល់យ៉ាងច្បាស់ថាជា “ភូមិស្តេចពស់វែក” នៅក្នុងចំណោមក្រុមភ្ញៀវទេសចរ។
នៅគ្រប់ផ្ទះទាំង១៤០ខ្នងក្នុងភូមិ Ban Kok Sa-Nga យ៉ាងហោចណាស់ក៏មានពស់ចិញ្ចឹមមួយក្បាលដែរ ដែលពួកគេចិញ្ចឹមវាក្នុងហិបឈើ ដាក់នៅក្រៅផ្ទះ។
ពស់ចិញ្ចឹមទាំងអស់នេះ សុទ្ធតែជាប្រភេទពស់កាចសាហាវដែលអាចសម្លាប់មនុស្សបាន ដូចជាស្តេចពស់វែករនាម ពស់វែកដំបូក ហើយនិងពស់ថ្លាន់។
បរិយាកាសនៅក្នុងភូមិមួយនេះ ពិតជាស្រស់ស្រាយខ្លាំងណាស់ ពោលគឺមានភ្ញៀវទេសចរមកកម្សាន្តលេងមិនចេះដាច់ឡើយ ដើម្បីមកទស្សនាការបង្ហាញសមត្ថភាពរបស់សត្វពស់។
ពស់ទាំងអស់នេះ ត្រូវបានគេបង្កាត់ពូជ ហើយក្រោយពីធំលូតលាស់ពេញវ័យហើយ ពួកវាត្រូវបានគេនាំយកមកសម្តែងដូចគ្នានឹងស្វាប្រដាល់ ឬមនុស្សប្រដាល់អញ្ចឹងដែរ។
ទោះបីជាយ៉ាងណាក៏ដោយ ការសម្តែងរបស់ពស់ទាំងអស់នេះ ពិតជាព្រឺព្រួចខ្លាំងណាស់ ងសង្វៀនហើយ ពួកគេត្រូវបានម្ចាស់របស់ពួកវា ទាញកន្ទុយ ដើម្បីឲ្យពួកវាចឹកគ្នា ។
មនុស្សភាគច្រើន ខ្លាចនឹងសត្វពស់ដ៏កាចសាហាវទាំងនេះ ប៉ុន្តែសម្រាប់មនុស្សរស់នៅក្នុងភូមិ Ban Kok Sa-Nga មិនខ្លាចនោះឡើយ ហើយពួកគេថែមទាំងប្រឡែងលេងជាមួយពួកវាដូចបងប្អូនថែមទៀតផង ហើយសូម្បីតែក្មេង២ក៏ត្រូវបានឪពុកម្តាយរបស់ពួកគេបង្រៀនពីវិធីកាន់ពស់ វិធីប្រយុទ្ធជាមួយពួកវា និងឲ្យចំណីពួកវា។
សូមបញ្ជាក់ថា នៅភូមិ Ban Kok Sa-Nga ពស់វែកទាំងនេះ មិនត្រឹមតែបង្កាត់ពូជសម្រាប់ការសម្តែងប៉ុណ្ណោះទេ ប៉ុន្តែត្រូវបានគេលក់ដូរផងដែរ។ អ្នកភូមិ លក់ពស់ដ៏សែនចេះរបស់ពួកគេក្នុង១ក្បាលចាប់ពី៥ពាន់បាត(១៦០ដុល្លារ)ដល់៦ពាន់បាត(២០០ដុល្លារ)៕
Home សង្គមប្លែកៗ ភូមិស្តេចពស់វែកថៃ ជាកន្លែងដែលមនុស្សនិងពស់រស់នៅជាមួយគ្នាដូចគ្រួសារតែមួយ