…ឃើញរូបភាពនេះភ្លាម តើទៅទប់សំណើចឯណាបានបើសុខនមួយក្បាលចេះគួរឲ្យគ្រឺកបែបនេះ…ចេះលើកជើងចុចស៊ីប្លេឡានហៅម្ចាស់ឲ្យឆាប់ត្រឡប់មកវិញ។ ថ្មីនេះ មហាជនអ្នកលេងបណ្ដាញសង្គមអ៊ិនស្ដាក្រាម ជាច្រើនបានសម្ដែងនូវការអស់សំណើច និងហួសចិត្តយ៉ាងខ្លាំងជុំវិញវីដេអូឃ្លីបមួយអំពីសកម្មភាព ឆ្កែមួយក្បាលជាប្រភេទពូជ Shar Pei អង្គុយចុចស៊ីផ្លេឡាន។
វីដេអូនោះត្រូវបានថតឡើងដោយអ្នកជិះកង់ម្នាក់ ក្នុងទីប្រជុំជន Mornington និងយកទៅបង្ហោះចែកចាយលើបណ្ដាញសង្គម ដោយទទួលបានការចាប់អារម្មណ៍យ៉ាងខ្លាំង។ ក្នុងនោះគេឃើញឆ្កែមួយក្បាលកំពុងអង្គុយក្នុងឡានលើកៅអីអ្នកបើកបរ និងចុចស៊ីផ្លេយ៉ាងឮៗ ខណៈឯម្ចាស់របស់វាបានរត់ចេញពីហាងលក់ទំនិញ។ នៅពេលដែលម្ចាស់របស់វាបានមកដល់ ក៏បើកទ្វារឡានឲ្យវាចេញទៅ។
ជុំវិញវីដេអូខាងលើនេះ ត្រូវបានមហាជនមួយចំនួនលើកឡើងជាមតិរិះគន់ផងដែរថា មិនគួរណាទុកឆ្កែចោលឲ្យនៅក្នុងឡានតែឯងឡើយ ព្រោះអាចបង្កឲ្យមានគ្រោះថ្នាក់ផ្សេងៗកើតឡើងបាន៕
Home សង្គមប្លែកៗ ចាំម្ចាស់យូរពេក…អាជើង៤លេងស្ទីលដូចមនុស្សម្ចាស់រត់មករកទាំងត្របាញ់កែង