[wai id="5"]
[wai id="7"]
...មិនថាតែមនុស្សយើងទេ ដែលកើតមាននូវអារម្មណ៍មនោសញ្ចេតនានឹករលឹកដាក់គ្នាទៅវិញទៅមក សូម្បីតែសត្វសុនខដែលខ្មែរយើងច្រើនហៅថា អាភក្តីក៏ចេះមានមនោសញ្ចេតនាដាក់គ្នាដែរ។ ចំពោះរឿងរ៉ាវមនោសញ្ចេតនារវាងគ្នារបស់អាភក្តីទាំង២ក្បាលនេះបានរៀបរាប់ឡើងដោយកញ្ញាដ៏ស្រស់ប្រិមប្រិយដែលជាម្ចាស់អាភក្តីតែម្តង។កញ្ញា Oranit Kittragul ដែលត្រូវជាម្ចាស់របស់ Messy បាននិយាយថា Messy និង Audi រស់នៅផ្ទះទល់មុខគ្នា ប៉ុន្តែដោយសារម្ចាស់របស់ Audi (សុនកឯកា) តែងតែចេញទៅធ្វើការបាត់ៗរាល់ថ្ងៃ និងទុកឲ្យវានៅតែក្នុងផ្ទះនោះ ទើបធ្វើឲ្យវាតែងតែមានអារម្មណ៍ឯកា និង រសាប់រសល់។
ពាណិជ្ជកម្ម
“នៅពេលដែល Audi មានអារម្មណ៍ឯកា និងយំនោះ ខ្ញុំតែងតែនាំឆ្កែរបស់ខ្ញុំMessy ទៅជួបជាមួយវា។ ប៉ុន្តែជួនកាល ពួកវាបានសម្លឹងមើលគ្នាពីរបងផ្ទះ ហើយមានពេលខ្លះទៀត ពួកវាស្រាប់តែព្រុសឆ្លើយឆ្លងគ្នា។ ខ្ញុំមិនដឹងថា ពួកវាធ្វើការទំនាក់ទំនងគ្នាដោយរបៀបណានោះទេ ប៉ុន្តែ Audi ស្រាប់តែឈប់យំតែម្តង”។នាងបន្តថាចៃដន្យថ្ងៃមួយម្ចាស់របស់ Audi ភ្លេចដាក់គន្លឹះទ្វាររបងផ្ទះ ដូច្នេះពួកវាក៏បានជួបគ្នា ហើយនេះក៏ជាឱកាសដែល Audi អាចមកអរគុណដល់ Messy ដោយផ្ទាល់ ពីចំណងមិត្តភាពដ៏ល្អកន្លងមក និងបានបង្ហាញថាមិត្តភាពរវាងពួកវាទាំងពីរពិតជាសំខាន់ណាស់។កញ្ញា Oranit បាននិយាយទៀតថា “Audi បានរត់មករកឆ្កែរបស់ខ្ញុំ Messy ហើយពួកវាក៏បានអោបគ្នាតែម្តង”។ ដោយឃើញទិដ្ឋភាពបែបនេះ នាង ក៏បានថតសកម្មភាពដ៏ផ្អែមល្ហែមនេះ ហើយបង្ហោះចូលទៅក្នុងបណ្តាញសង្គម។
រូបភាពនេះត្រូវបានគេចែកចាយទូទាំងពិភពលោក ព្រោះវាពិតកម្របានឃើញខ្លាំងណាស់ ហើយវាក៏បានបង្ហាញដែរថា ពិភពលោកមួយនេះ គឺពោពេញទៅដោយក្តីស្រឡាញ់៕
[wai id="6"]
