ក្រោយពីស្រវឹងស្រាបុរសម្នាក់នេះចង់ប៊ី-ប៊ីពស់វែកតែ ត្រូវពស់វែកចឹកចំកណ្ដាលមាត់គេថាស្រវឹងស្រាហ៊ានធ្វើនូវរឿងអ្វីផ្សេងៗមួយចំនួនដែលមនុស្សអត់ស្រវឹង អត់ហ៊ានធ្វើតាមនោះទេ…គឺពិតជាត្រឹមត្រូវមែនហើយដូចករណីបុរសឥណ្ឌាម្នាក់នេះហ៊ានមែនទែនអ្នកផ្សេងគ្រាន់តែឃើញញាក់សាច់ជំនួសទៅហើយ។ ភាពក្លាហាននោះក៏ជារឿងផ្ទុះសំណើចមួយដែរ…គឺ
បើយោងតាមប្រភពសារព័ត៌មាន បានរាយការណ៍ឲ្យដឹងថា ហេតុការណ៍ នេះ បានកើតឡើងចំពោះបុរសជាជនជាតិឥណ្ឌាម្នាក់ ដែលត្រូវបានគេស្គាល់ឈ្មោះថា Sonu នៅគ្រាដែលរូបលោកកំពុងតែស្ថិតក្នុងស្ថានភាពស្រវឹង។ ប្រភពដដែលបន្តថា ដោយសារតែឥទ្ធិពលនៃជាតិស្រវឹង ក៏បណ្ដាលឲ្យលោក Sonu ហាក់ដូចជាមានភាពក្លាហាន មិនខ្លាចញញើតនឹងពល់វែក ទាល់តែសោះ។ ពោលគឺ រូបលោកបានចូលទៅប្រលែងលេង ព្រមទាំងព្យាយាមចង់ថើបជាមួយពស់មួយក្បាលនោះថែមទៀតផង។ ប៉ុន្តែស្រាប់តែមួយរំពេចនោះ ពស់មួយក្បាលនោះ ហក់ចឹក ចំកណ្កាលមាត់តែម្ដង រហូតបណ្ដាលឲ្យមានឈាមហូរចេញពីមាត់យ៉ាងគួរឲ្យខ្លាច។ ជុំវិញនឹងករណីខាងលើនេះ ភ្លាមៗក្រោយកើតហេតុ អ្នកស្រុករស់នៅ Karnatake មានការភិតភ័យ ក៏ប្រញាប់ប្រញាល់បញ្ជូនជនរងគ្រោះខាងលើ ទៅសង្គ្រោះនៅមន្ទីពេទ្យមួយក្នុងតំបន់។ ក្រោយមក ក៏បានបញ្ជូនបន្ត ទៅសម្រាកព្យាបាលនៅមន្ទីពេទ្យ Mcgann ដែលជាមន្ទីរពេទ្យជំនាញមួយនៅ Shimoga។
គួរឲ្យដឹងផងដែរថា តាមប្រភព ក្រោយពេល លោក Sonu បានទៅព្យាបាលនៅទីនោះហើយ ប្រហែលជា ១០ ថ្ងៃក្រោយមក លោកក៏បានជាសះស្បើយជាធម្មតាវិញផងដែរ៕