បើតាមប្រភពព័ត៌មានបានឲ្យដឹងថា ស្ត្រីជាប់ចោទជាជនសង្ស័យសម្លាប់មនុស្សដែលត្រូវជាម្តាយតារាចម្រៀង ពេជ្រ សូលីកា កាលពីថ្ងៃទី១៥ ខែមករា ឆ្នាំ២០២០កន្លងទៅ ត្រូវបានសមត្ថកិច្ចនគរបាលបញ្ជូនទៅកាន់សាលាដំបូងរាជធានីភ្នំពេញហើយ ហើយសំណុំរឿងនេះបានស្ថិតនៅដៃលោកស្រី ស៊ឺ វណ្ណនី ព្រះរាជអាជ្ញារង បើកការសាកសួរ រួចបានចោទប្រកាន់ជាផ្លូវការពីបទ «ឃាតកម្ម» ។
រឿងរ៉ាវខាងលើនេះបានធ្វើឲ្យ តារាចម្រៀង ពេជ្រ សូលីកា ទទួលរងនូវការបាក់ទឹកចិត្តយ៉ាងធ្ងន់ធ្ងរ ថ្មីៗនេះនាងបានបង្ហោះសារដែលមានខ្លឹមថាយ៉ាងដូច្នេះថា
៖ ម៉ាក់គឺជាម៉ាក់ដែលមិនល្អក្នុងភ្នែកអ្នកដទៃ តែម៉ាក់គឺជាម៉ាក់ដែលល្អបំផុតក្នុងកែវភ្នែកកូន ?ទោះម៉ាក់លំបាកកាយលំបាកចិត្តយ៉ាងណា ម៉ាក់ក៏មិនដែលចង់អោយកូនមកហត់លំបាកជាមួយម៉ាក់ដែរ កូនមិនខ្លាច នឹងគេហៅកូនថា ជា កូន ឃាតករ ឡើយ ព្រោះតាំងពីកូនដឹងក្ដីមក ម៉ាក់គ្រាន់តែជាមនុស្សស្រីធម្មតា នឹង ល្អម្នាក់ សំរាប់កូនៗតែប៉ុនណ្ណោះ។
មានសម្ដីខ្លះបានលើកឡើងថា អ្នកស្លាប់ទៅហើយ ចង់សងអ្វី ក៏មិនអាចត្រលប់ក្រោយវិញបានដែរ
បន្តែចង់អោយដឹងថា សំរាប់អ្នកនៅរស់ ក៏មិនមែនមកបន្តការស់នៅជួបជុំគ្រួសារតាមបែបធម្មតាដូចកាលពីមុន វិញបានដែរ មានជីវិតក៏ពិតមែន បន្តែជីវិតដែលនៅសល់បន្តហ្នឹង រស់នៅតាមរបៀបណាអ្នកដែលមាន ជីវិតគឺមានតែបន្តទទួលកម្មដែលខ្លួនបានសាងចឹងហើយ ពាក្យសុំទោស រឺ ពាក្យស្ដាយក្រោយ
ដែលបានខំប្រើទៅយ៉ាងណា សំរាប់អ្នកដែលគិតថាគ្មានប្រយោជន៌ គឺវានៅតែគ្មានប្រយោជន៌ដដែលចឹង គ្មានអ្វីក្រៅពី អហោសិកម្ម អោយគ្នានោះទេ មិនមែនរាល់ការស្គាល់គ្នាវាសុទ្ធតែជានិស្ស័យទាំងអស់ឡើយ ខុសគឺខុស វាជារឿងដែលមិនអាចកែប្រែបាន តែមិនមែនអ្នកដែលធ្វើខុសសុទ្ធតែអាក្រក់ ដូចការមើលឃើញ ទាំងអស់នោះទេ គ្មាននរណាម្នាក់ដែលកើតមកចង់ខុស ហើយគ្មាននរណាម្នាក់ដែលកើតមកល្អគ្រប់ដប់ដែរ៕
ឥឡូវនេះអ្វីដែលកូនអាចធ្វើបានសំរាប់ម៉ាក់ គឺកូនមានតែដាក់បាត ធ្វើបុណ្យ ឧទិសកុសល ដល់អ្នកដែលបាន ចាកចេញទៅ ជំនួសម៉ាក់តែប៉ុណ្ណោះ ?? ៕
នេះជារូបអនុស្សាវរីយ៍ចុងក្រោយរបស់ម្ដាយកូនយើង ក្នុងថ្ងៃដែលកូនបានក្រាបសំពះម៉ាក់ក្នុងថ្ងៃសេរីសួស្ដីរបស់កូន
ទោះថ្ងៃពិសេសបន្ទាប់របស់កូន គ្មានវត្តមានម៉ាក់ចូលរួម តែកូនចង់អោយម៉ាក់ដឹងថា ម៉ាក់នឹងស្ថិតនៅក្នុង បេះដូងកូនជានិច្ច ដែលគ្មានថ្ងៃកែប្រែបាន ៕
សំរាប់មាត់អ្នកដទៃ ទទួលយកបានមិនបាន គឺជារឿងរបស់អ្នកព្រោះខ្ញុំមិនមែនធ្វើសំរាប់មាត់ របស់អ្នកឡើយ៕ សូមទានជ្រាប??
សូមអរគុណ បងប្អូនទាំងអស់គ្នា សំរាប់ការ ផ្ដល់កំលាំងចិត្តជាច្រើនមកកាន់រូបនាងខ្ញុំ នឹង កូនខ្ញុំ មានទាំងការផ្ញើសារ នឹង comment លើកទឹកចិត្ត បារម្មណ៍ សួរសុខទុក្ខ ជាច្រើន
ហើយក៏សុំអភ័យទោសផងដែរ ដែលនាងខ្ញុំមិនបានតបទៅដល់អ្នកទាំងអស់គ្នា បន្តែរាល់ការផ្ញើមក គឺនាងខ្ញុំបានឃើញគ្រប់ទាំងអស់???????? អរគុណដែល ធ្វើអោយខ្ញុំមានអារម្មណ៍កក់ក្ដៅ នឹង រឹងមាំ បន្តដំណើរជីវិតនេះ ទៅមុខទៀត ។
យ៉ាងណាមិញកាលពីម្សិលមិញនេះ ឪពុកក្មេក និងម្តាយក្មេក របស់នាងក៏បានផ្ញើរសារលើកទឹកចិត្តនាងថា ៖
«ពិតជាក្រៀមក្រំខ្លាំងណាស់ និងចូលរួមរំលែកទុក្ខ ដល់គ្រួសារនៃសព ហើយសូមឲ្យកូនស្រី ពេជ្រ សូលីកា ឈប់យំទៅ កូនត្រូវគិតពីទារកក្នុងផ្ទៃ ត្រូវចាំថា ប្រសិនបើកូនចង់យំ ប៉ានឹងក្លាយជាស្មា និងត្រូវការកូនជានិច្ច»។
