…ម្ចាស់ហាងលក់បាយប្តី-ប្រពន្ធមួយគូនេះតែងតែផ្តល់ម្ហូបទៅឲ្យអតិថិជនរបស់ខ្លួនម្នាក់ជានិស្សិតហើយការប្រព្រឹត្តិនូវអំពើមនុស្សធម៌នេះប្រៀបបានជាពួកគេទាំងពីរស្រោចទឹកដាំដើមឈើមួយដើមនោះបានហុចផ្លែផ្កាដល់ពួកគេវិញ។ តើរឿងរ៉ាវមួយនេះមានដំណើរដើមទងយ៉ាងណា សូមរីករាយសណ្តាប់ទាំងអស់គ្នា....។
គេហទំព័របរទេសមួយបានផ្សព្វផ្សាយពីរឿងរបស់បុរសម្ចាស់ហាងលក់បាយម្នាក់ជាមួយនឹង និស្សិតវ័យក្មេងម្នាក់។បុរសម្ចាស់ហាងរៀបរាប់ថាខ្ញុំនិងប្រពន្ធ បានបើកហាងលក់បាយមួយកន្លែងហើយហាងរបស់ពួកយើងលក់ដាច់ណាស់។ហាងរបស់ពួកយើងតែងតែមានភ្ញៀវជាប្រចាំ។ហើយភ្ញៀវទាំងអស់នោះតែងតែកម្ម៉ង់ម្ហូបយ៉ាងតិចពីរទៅបីមុខក្នុងមួយពេល។យ៉ាងណាមិញ ស្រាប់តែថ្ងៃមួយមាននិស្សិត ម្នាក់បានចូលហូបបាយក្នុងហាងរបស់ពួកយើង ហើយនិស្សិតម្នាក់នោះតែងតែកម្ម៉ង់តែបាយសទទេសំរាប់ហូបរាល់ថ្ងៃ ។ និស្សិតម្នាក់នោះតែងតែនិយាយលេងជាមួយយើងផងដែរ។ថ្ងៃបន្ទាប់ខ្ញុំនិងប្រពន្ធរបស់ខ្ញុំបាននិយាយគ្នាថានិស្សិតនេះមានចរិតល្អណាស់ ប្រសិនជាយើងមានកូនហើយតស៊ូរៀនបែបនេះមិនដឹងជាល្អយ៉ាងណាទេ។បន្ទាប់មកពួកយើងក៏សំរេចចិត្តជួយគឺរាល់ពេលនិស្សិតនោះកម្ម៉ង់បាយស យើងតែងតែអោយម្ហូបបន្ថែមពីរទៅបីមុខរាល់ថ្ងៃ ជាមួយបង្អែមលាងមាត់ទៀតផង។និស្សិតម្នាក់នោះបានហូបបាយក្នុងហាងរបស់ពួកយើងអស់រយះពេល៥ ទៅ ៦ឆ្នាំរហូតដល់ ពេលបព្ចាប់ការសិក្សា។បន្ទាប់ពីបព្ចាប់ការសិក្សា ពួកយើងលែងបានជួបនិស្សិតកំសត់នោះទៀត មិនថាមានរឿងអ្វីពីនិស្សិតនោះសោះគឺបាត់ដំណឹងសូន្យឈឹងតែម្តង។ស្រាប់តែថ្ងៃមួយដីដែលខ្ញុំជួលត្រូវគេលែងជួលព្រោះម្ចាស់ដីបានលក់ទៅអោយក្រុមហ៊ុនមួយមានន័យខ្ញុំ និងប្រពន្ធរបស់ខ្ញុំត្រូវអត់ការងារធ្វើហើយ។
លើសពីនេះស្រាប់តែម្ចាស់ក្រុមហ៊ុននោះបានមកដល់ហើយបាននិយាយថា៖សូមអរគុណលោកមានគុណទាំងពីរនាក់ដែលបានអោយបាយនិងម្ហូបឆ្ងាញ់ពិសាររាល់ថ្ងៃទើបខ្ញុំមានថ្ងៃនេះ ឥឡូវនេះខ្ញុំបានទិញដីនេះជូនលោកមានគុណទាំងពីរនាក់ហើយជួយសាងសង់ដីនេះអោយទៅជាកន្លែងលក់បាយនិងម្ហូបប្រចាំប្រទេសយើង។គ្រាន់តែលឺភ្លាម ខ្ញុំ និងប្រពន្ធរបស់ខ្ញុំរំភើបខ្លាំងណាស់ស្ទើទប់ទឹកភ្នែកមិនបានចំពោះទឹកចិត្តដ៏ល្អមួយនេះ…..។
