រូបចម្លាក់ថ្មមួយនេះបានស្ថិតនៅក្នុងព្រះវិហារនៃប្រទេសអង់គ្លេសរាប់រយឆ្នាំមកហើយ…លុះក្រោយពីលោកដូណាល់ ត្រាំ ជាប់ឆ្នោតជាប្រធានាធិបតេយ្យ។ រដ្ឋអាមេរិកក៏បានក្លាយជារូបចម្លាក់ដ៏ល្បីល្បាញ មានភ្ញៀវទេសចរទាំងហ្វូងៗលើកគ្នាទៅទស្សនាព្រោះតែដូចពេក…ដូចគ្នាទៅនឹងមុខមាត់លោកត្រាំ។
នាពេលកន្លងទៅនេះ គេបានបង្ហោះ រូបចម្លាក់ក្បាលមនុស្សថ្ម អាយុកាល៧០០ឆ្នាំមួយ មានមុខមាត់ និងសក់ ដូចគ្នាបេះបិទទៅនឹង ប្រធានាធិបតីអាមេរិកថ្មី លោក ដូណាល់ ត្រាំ។ រូបចម្លាក់ថ្មនោះ ស្ថិត នៅឯព្រះវិហារ Southwell Minster Cathedral ស្ថិតក្នុងតំបន់ Nottinghamshire ប្រទេសអង់គ្លេស។បើយោងតាមសារព័ត៌មាន Nottingham Post របស់អង់គ្លេស បាន ឲ្យដឹងថា រូបចម្លាក់ថ្មបែបនេះ ជាទូទៅ ត្រូវបានគេរចនាឡើង ដើម្បីព្រួសទឹកភ្លៀង ចេញពីដំបូល។ ទោះបីជាយ៉ាងណា ប្រភពព័ត៌មានមិនបានបញ្ជាក់ទេថា វាត្រូវបានរចនាឡើងដើម្បីអ្វីឲ្យប្រាកដ។
គួរបញ្ជាក់ថា រូបចម្លាក់ខាងលើនេះ ត្រូវបានអ្នកនិពន្ធ និងផ្សព្វផ្សាយម្នាក់ មានឈ្មោះថា Samira Ahmed ប្រទះឃើញ និងថតបង្ហោះលើបណ្ដាញសង្គម Twitter តាំងពីខែសីហា ឆ្នាំ២០១៦ ពោលគឺតាំងពីលោក ត្រាំ មិនទាន់ក្លាយជាប្រធានាធិបតី មកម្ល៉េះ ប៉ុន្តែទើបតែមានការភ្ញាក់ផ្អើលសាជាថ្មីម្ដងទៀត ក្រោយពេលប្រធានាធិបតីថ្មីរូបនេះឡើងកាន់តំណែង៕
