…បាត់បង់ប្រាក់ដោយចោរដណ្តើមយក…ជារឿងមួយខឹងខ្លាំងណាស់ទៅហើយ តែអ្វីដែលខឹងខ្លាំងជាងនេះទៅទៀតនោះខណៈពេលចោរកំពុងដណ្តើមប្រាក់ក៏មានអ្នកដំណើរឆ្លងកាត់ដែរ…តែគ្មានអ្នកណាចូលមកជួយនោះទេ គឺដើរធ្វើងើយ…សក់អ្នកណាក្បាលអ្នកហ្នឹង!។ស្ត្រីរងគ្រោះម្នាក់ត្រូវបានចោរស្រីជើងខ្លាំង វាយយកលុយឡើងទ្រោមខ្លួន ខណៈកំពុងតែឈរដកលុយពីម៉ាស៊ីនដកប្រាក់ ATM ប៉ុន្តែអ្វីដែលមិននឹកស្មានដល់ អ្នកដំណើរក្បែរនោះ ឃើញហេតុការបែបនេះហើយ បែរជាមិនចូលជួយសុខចិត្តដើរហួស រហូតបណ្តាលឲ្យមានខឹងសម្បាការ និងរិះគន់យ៉ាងខ្លាំង។
ហេតុការណ៍នេះ បានកើតឡើង នៅចំណុចទីតាំងម៉ាស៊ីនដកប្រាក់មួយកន្លែង ក្នុងតំបន់ Leytonstone ទីក្រុងឡុងដ៏ ចក្រភពអង់គ្លេស។ស្ត្រីរងគ្រោះមិនបញ្ចេញអត្តសញ្ញាណ មានវ័យខ្ទង់៤០ឆ្នាំ ចំណែកឯជនសង្ស័យជាចោរឆក់ប្លន់ដៃឆើត ជាក្មេងវ័យជំទង់។ តាមរយៈវីដេអូឃ្លីប ថតជាប់ដោយកាម៉េរាសុវត្តិភាព នៅក្នុងថ្ងៃកើតហេតុនោះ គេឃើញ ស្ត្រីរងគ្រោះមានពាក់កន្សែងរុំក្បាល ដូចត្រីឥស្លាម និងមានស្ពាយកាបូបខ្មៅនៅចំហៀងស្មា កំពុងតែឈរដកប្រាក់ពីម៉ាស៊ីន ATM ខណៈឯចោរស្រីវ័យក្មេង ធ្វើជាឈរនៅក្បែរនោះ ចាំមើលតែបំណាំស្ត្រីរងគ្រោះចុចដកប្រាក់បាន អាលខ្លួនចូលទៅធ្វើសកម្មភាព។មិនបង្អង់យូរ ភ្លាមៗនោះ ជនសង្ស័យក៏បានស្ទុះទៅវាយតប់ទៅលើស្ត្រីរងគ្រោះ ខណៈដែលស្ត្រីរងគ្រោះក៏បានតបត និងបានអូសទាញគ្នាទៅវិញមក ដើម្បីការពារខ្លួនផងដែរ។ឈុតមួយក្នុងវីដេអូឃ្លីប គេឃើញជនសង្ស័យបានឈររាំងស្ត្រីរងគ្រោះ ពីមុខម៉ាស៊ីនដកប្រាក់ រួចចាប់ប្រមូលលុយ និងស្ទុះរត់បាត់ស្រមោលតែម្តង។ ចំណែកឯ អ្នកដំណើរឆ្លងកាត់ក្បែរនោះវិញ បានត្រឹមតែមើលនិងដើរហួស ដោយពុំមាននរណាម្នាក់ចូលសួរនាំនិងជួយឡើយ។
ជុំវិញនឹងករណីនេះ ប៉ូលិសបាននិយាយថា ស្ត្រីរងគ្រោះពុំបានរងរបួសធ្ងន់ធ្ងរ ហើយក៏មិនបានទៅពិនិត្យព្យាបាលអីនៅមន្ទីរពេទ្យនោះដែរ។ ប៉ុន្តែនេះអាចចាត់ទុកបានថា ជាហេតុការណ៍ដ៏គួរឲ្យរន្ធត់ចិត្តមួយទាំងកណ្តាលថ្ងៃ។អ្នកលេងបណ្តាញសង្គមជាច្រើន ក៏បានបញ្ចេញមតិសរសើរចំពោះភាពរឹងមាំរបស់ស្ត្រីចំណាស់រងគ្រោះខាងលើនេះ ដែលហ៊ានតបតជាមួយនឹងជនល្មើសវិញ ហើយពួកគេក៏បានស្តីបន្ទោសទៅលើអ្នកដំណើរ ដែលគ្មានចិត្តចូលជួយពេលឃើញស្ថានភាពបែបនេះ ៕
Home សង្គមប្លែកៗ ហួសចិត្ត…សក់អ្នកណាក្បាលអ្នកហ្នឹងមែនឃើញចោរកំពុងដណ្តើមលុយ ដើរធ្វើងើយអត់ជួយ