…ឃើញរូបភាពបែបអញ្ជឹងៗនោះប្រិយមិត្តប្រាកដជាមានចិត្តគ្រឺតមិនខាននោះឡើយ…តើមិនឲ្យគ្រឺតម្តេចបានចេះម្ញិម្ញ៉ក់ដូចកូនក្មេងទៅហើយនោះ។ ថ្មីៗនេះ មហាជនអ្នកលេងបណ្ដាញសង្គមហ្វេសប៊ុកជាច្រើនបានសម្ដែងនូវការអស់សំណើចយ៉ាងខ្លាំងជុំវិញវីដេអូឃ្លីបមួយអំពីសកម្មភាព កូនឆ្កែបួនក្បាលអង្គុយចាំម្ចាស់ថើប ទើបព្រមដេកស្ងៀម។
យោងតាមវីដេអូបានបង្ហាញឲ្យឃើញថា កូនឆ្កែបួនក្បាល ដែលទើបតែកើតបានប្រហែលជា១ខែ កំពុងអង្គុយរង់ចាំវេនថើបពីម្ចាស់របស់ពួកវា។ ម្ចាស់បានលើកកូនឆ្កែម្ដងមួយៗឡើង ដោយថើបថ្ពាល់ទាំងសងខាងជាច្រើនដង និងមាត់ ហើយដាក់វាទៅលើភួយទន់ៗដេកយ៉ាងស្ងៀមស្ងាត់។ នាង Kim Punzalan ដែលត្រូវជាបងស្រីរបស់ម្ចាស់ឆ្កែ បាននិយាយថា៖ «ជាធម្មតា កូនឆ្កែទាំងនេះគឺរពឹសខ្លាំងណាស់ និងមិនដែលចូលដេកស្រួលម្ដងណាឡើយ។ ពេលខ្លះ ត្រូវការពេលវេលាយូរណាស់ទើបពួកវាព្រមដេក បើទោះបីជាបិទភ្លើងក៏ដោយ។ ដោយសារបែបនេះហើយ ទើបប្អូនស្រីរបស់ខ្ញុំរកវិធីមួយដែលធ្វើឲ្យពួកវាមានទម្លាប់ល្អដោយការថើបមុនចូលដេក។»
វីដេអូខាងលើនេះ ទទួលបានការចុចចូលទស្សនារហូតដល់ទៅ៦.២លានដង និងមានមហាជនមួយចំនួនគ្រោងនឹងយកវីធីថើបឆ្កែមុនចូលដេកទៅប្រើទៀតផង៕
Home សង្គមប្លែកៗ គ្រឺតមែនទែនកូនឆ្កែទាំងនេះ បើម្ចាស់មិនប៊ី-ប៊ី អត់ខ្ចីដេកស្ងៀមក្រេះក្រុះដូចសត្វកណ្តុរហើយ