…ចង់បានទេសភាពស្អាតៗថតទុកជាអនុស្សាវរីយ៍…អ្នកខ្លះប្រថុយមែនទែនហ៊ានឡើងទៅទីខ្ពស់ៗដោយពុំខ្លាចជួបនូវគ្រោះថ្នាក់នោះឡើយ។ ហើយរឿងរ៉ាវហ៊ានបែបនេះក៏មានអ្នកស្លាប់និងរបួសច្រើននាក់រួចមកហើយនៅតាមបណ្តាប្រទេសផ្សេងៗ…។
កាលពីពេលកន្លងទៅនេះៗ មានបុរសម្នាក់ឈ្មោះ សូប្រេត ណេក អាយុ ២៤ឆ្នាំ បានធ្លាក់ពីលើជ្រោះថ្មកម្ពស់ជាង ៥០ម៉ែត្រ តែសំណាងល្អដែលមិនបណ្តាលឲ្យគ្រោះថ្នាក់ដល់អាយុជីវិត ដោយគ្រាន់តែសន្លប់ធំ និងរងរបួសធ្ងន់តែប៉ុណ្ណោះ។តាមរយៈបណ្តាញទូរទស្សន៍ក្នុងស្រុកមួយ បានបង្ហោះវីដេអូរបស់លោក ណេក ដែលថតដោយមិត្តភក្តិរបស់គាត់ម្នាក់ទៀត។ លោក ណេកបានដើរទៅកាន់ជ្រោះថ្មដើម្បីព្យាយាមថត Selfie ប៉ុន្តែមិនទាន់ទាំងបានថតផង លោកក៏រអិលជើងហើយធ្លាក់រមៀលចុះទៅខាងក្រោមយ៉ាងគួរឲ្យរន្ធត់ ដែលធ្វើឲ្យមិត្តភក្តិរបស់លោកបានរត់ចុះទៅជួយភ្លាមៗផងដែរ។
ណេក បានសន្លប់នៅពេលគាត់ត្រូវបានគេបញ្ជូនទៅសង្គ្រោះនៅមហាវិទ្យាល័យវេជ្ជសាស្ត្រកូបូត ។ទោះជាយ៉ាងនេះក្តី ប៉ូលិសក៏កំពុងស៊ើបអង្កេតពីគ្រោះថ្នាក់ដ៏រន្ធត់នេះជាបន្ទាន់៕
