...ទោះបីជាដឹងថានៅក្នុងថ្ងៃប្រារព្ធនូវពិធីមង្គលការរបស់ខ្លួន ភ្នំភ្លើងនឹងផ្ទុះឡើងហើយតែគូស្នេហ៍មួយនេះអត់រាថយទៅរៀបចំនៅកន្លែងផ្សេងឲ្យឆ្ងាយនោះឡើយ គឺនៅតែរៀបចំកន្លែងដដែលផ្សេងឲ្យឆ្ងាយនោះឡើយ គឺនៅតែរៀបចំកន្លែងដដែល...ពីព្រោះអ្វីពីព្រោះពួកគេចង់ផ្តិតយកនូវរូបភាពបន្ទុះភ្នំភ្លើងឲ្យជាប់ក្នុងថ្ងៃមង្គលការ។
កាលពីថ្ងៃទី១២ ខែមករា កន្លងទៅនេះភ្នំភ្លើង Taal ក្នុងប្រទេសហ្វីលីពីន បានផ្ទុះហើយ នៅក្នុងថ្ងៃនោះដែរ ក៏មានគូស្នេហ៍មួយគូ កំពុងប្រារព្ធពិធីមង្គលការនៅសួន Sovana Farm ដែលមានចម្ងាយ២០គីឡូម៉ែត្រពីភ្នំភ្លើង Taal។ លោក Chino Vaflor និងនាង Kat Palamor បានសម្រេចចិត្តរៀបការជាមួយគ្នា ក្រោយពីរស់នៅជាមួយគ្នាអស់រយៈពេល៨ឆ្នាំ និងមានកូនប្រុសស្រីចំនួនពីរនាក់។ លោក Randolf ជាអ្នកថតរូបក្នុងថ្ងៃមង្គលការបានឲ្យដឹងថា បន្ទាប់ពីមានការពិភាក្សាជាមួយនឹងក្រុមការងាររួចមក ពួកគាត់បានសម្រេចថាពិធីមង្គលការនៅតែបន្ដទៅមុខទៀត ដោយគិតថាវានឹងមិនមានគ្រោះថ្នាក់អ្វីមកដល់ទីតាំងពិធីឡើយ។ តែកំឡុងពេលនោះ ពួកគាត់តាមដានព័ត៌មានតាមរយៈបណ្តាញសារព័ត៌មានជាប់ជានិច្ច។
ជុំវិញរឿងរ៉ាវខាងលើនេះ ពួកគេចាត់ទុកថាជាថ្ងៃដ៏ពិសេសមួយ ហើយចំណែករូបភាពក្នុងថ្ងៃមង្គលការវិញត្រូវបានថតជាប់ជាមួយនឹងទិដ្ឋភាពភ្នំភ្លើងផ្ទុះដែលមើលទៅស្រស់ស្អាតយ៉ាងខ្លាំង៕
Home សង្គមប្លែកៗ ហេតុតែចង់បានរូបភាពយ៉ាងពិសេសក្នុងថ្ងៃមង្គលការ ទោះភ្នំភ្លើងផ្ទុះក៏មិនដកថយដែរ