…លោកយាយម្នាក់នេះពិតជាប្លែកខុសគេខុសឯងហើយ តែម្នាក់ឯងហើយក្នុងលោកយើងនេះដែលបានប្រើខ្សែជីវិតរស់នៅដូចមនុស្សក្នុងសម័យបុព្វកាល។ជារឿងរ៉ាវមួយដែលល្បីពេញបណ្ដាញសង្គមហេ្វសបុកថៃចំពោះខ្សែជីវិតរបស់លោកយាយ យីម រស់នៅខេត្តភិស្នុលោក ប្រទេសថៃ ដែលបែរខ្នងដាក់ភាពរីកចម្រើនក្នុងក្រុង មកសម្ងំរស់នៅក្នុងព្រៃតែម្នាក់ឯងដល់ទៅជាង ៤០ឆ្នាំ។ក្នុងអំឡុងពេលដែលលោកយាយយីម រស់នៅទីនោះ គាត់បានសាងសង់ទំនប់ទឹក ១៦ កន្លែង ដាំដើមឈើជាង ៩៩០០ ដើម ដោយប្រើតែបាតដៃទាំងពីររបស់គាត់កាត់ឬស្សី ជញ្ជូនថ្ម និងដី បំណងឲ្យសត្វតូចធំទាំងឡាយមានទឹកផឹកនារដូវរាំងស្ងួត។
លោកយាយព្យាយាមធ្វើវាជារឿយៗរាល់ថ្ងៃ រាល់ខែ រាល់ឆ្នាំ ដោយមិនខ្វល់ពីការលំបាក និងមិនចង់បានការតបស្នងអ្វីឡើយ មានត្រឹមតែកម្លាំងកាយកម្លាំងចិត្តព្យាយាមរក្សាប្រភពទឹក និងរក្សាព្រៃព្រឹក្សាដើម្បីតបស្នងដល់ គុណបុណ្យធម្មជាតិដែលគាត់អាស្រ័យនៅ។ ចំពោះជីវិតរស់នៅតាមបែបមនុស្សសម័យបុព្វកាលអាចនិយាយបានថា លោកយាយយីម គឺជាបុគ្គលមួយដែលគួរឲ្យកោតសរសើរ និងយកតម្រាប់តាមយ៉ាងខ្លាំងដើម្បីអភិរក្សធនធានធម្មជាតិ និងសត្វព្រៃ។យាយយីម ក៏នៅតែបន្តប្រើជីវិតរស់នៅក្នុងព្រៃជ្រៅតែម្នាក់ឯង បែបនេះអស់រយៈពេលជាង ៤០ឆ្នាំទាំងដែលគាត់មានកូនប្រុសដល់ទៅ ២នាក់ ហើយ។
ទោះជាកូនៗប្រឹងអង្វរយ៉ាងណា ក៏លោកយាយនៅតែមិនព្រមត្រឡប់ទៅរស់នៅជាមួយកូនៗនោះទេដោយផ្ដល់ហេតុផលថា ជីវិតក្នុងព្រៃមិនមានភាពរញ៉េរញ៉ៃដូចក្នុងក្រុងនោះទេ ដូច្នោះហើយទើបកូនឲ្យគាត់បានធ្វើអ្វីតាមដែលគាត់ចង់ធ្វើតែម្ដង៕
Home សង្គមប្លែកៗ ធុញថប់ជីវិតអ៊ូអរ…មករស់ក្នុងព្រៃដូចមនុស្សសម័យបុព្វកាលតែម្នាក់ឯងអស់ជាង៤០ឆ្នាំ