...ឃើញវ៉ាលីសអណ្តែតលើផ្ទៃសមុទ្រ...យុវជនម្នាក់នេះបានបើកទូកតម្រង់ទៅរក...លុះស្រង់យកមកដាក់លើទូកបើកខ្វាកឡើងទូរស័ព្ទដ៏ទំនើបមួយគ្រឿងបង្ហាញនៅចំពោះមុខ។ ប៉ុន្តែយុវជនម្នាក់នេះពុំបង្ហាញនូវទឹកមុខរីករាយនោះទេ ធ្វើមុខស្មើធម្មតា ហើយបានប៉ុន្មានម៉ោងក្រោយមកវ៉ាលីសមួយនេះបានទៅដល់ដៃម្ចាស់ដើមវិញ។
លោក Nichol Tagudin អាយុ 20 ឆ្នាំ ជានិស្សិតបញ្ចប់ការសិក្សារថយន្ត BIT Automotiveបាន ទទួលនូវ ការកោតសរសើរយ៉ាងច្រើនពីអ្នកលេងអ៊ិនធើណែត ដោយសារភាពស្មោះត្រង់ បន្ទាប់ពីគាត់បានរើសវ៉ាលីពីក្នុងសមុទ្រនិងបានប្រគល់ត្រឡប់ទៅម្ចាស់ដើមវិញ ដែលក្នុងនោះមានឧបករណ៍ថ្លៃ ៗ នៅពេលគាត់បានទៅស្ទូចត្រីនៅសមុទ្រ Guimaras ។លោក Tagudin ដែលបានទៅស្ទូចត្រីជាមួយឪពុករបស់គាត់ដោយចៃដន្យបានប្រទះឃើញវ៉ាលីនេះអណ្តែតនៅលើសមុទ្រ។លោក Tagudin និយាយថានៅពេលដែលគាត់បានបើកវ៉ាលីនេះគាត់បានឃើញរបស់មានតម្លៃដូចជា iPhone XS Max 256GB, Power Bank និងវត្ថុមានតម្លៃមួយចំនួនផ្សេងទៀត។
ប៉ុន្តែបើទោះជារបស់មានតម្លៃនៅក្នុងវ៉ាលីនេះច្រើនយ៉ាងណាក៏ដោយគឺ គាត់កំណត់ក្នុងចិត្តថាត្រូវតែប្រគល់ត្រលប់ទៅឲ្យម្ចាស់ដើមវិញ។លុះបន្ទាប់ពីគាត់ត្រឡប់មកដល់ច្រាំងវិញគាត់បានស្វែងរកម្ចាស់ឧបករណ៍ទាំងនេះយ៉ាងឆាប់រហ័ស៕