…ស្ត្រីជាប្រពន្ធបានប្រកបមុខរបរជាអ្នកកាសែតហើយនាងតែងតែសរសេរចុះផ្សាយពីរឿងរ៉ាវកើតមាននូវអំពើហឹង្សាក្នុងគ្រួសារព្រមជាមួយនូវការសរសេរអប់រំទូន្មានដើម្បីចៀសឆ្ងាយពីអំពើហឹង្សា។ ប៉ុន្តែនៅថ្ងៃមួយនាងស្រាប់តែត្រូវទៅដេកព្យាបាលមុខរបួសនៅឯមន្ទីរពេទ្យដោយសារទទួលរងនូវអំពើហឹង្សាបង្ករឡើងដោយបុរសជាប្តី។ កាលពីពេលថ្មីៗនេះ គ្រូក្បាច់គុណជនជាតិវៀតណាមម្នាក់ត្រូវបានសមត្ថកិច្ចចាប់ខ្លួនពីបទវាយប្រពន្ធ បណ្ដាលឲ្យរងរបួសយ៉ាងដំណំ ។ ករណីនេះ បានកើតឡើងនៅខណ្ឌ ឡុងប៊ិន ទីក្រុងហាណូយ ប្រទេសវៀតណាម ។
ជនបង្កដែលជាប្ដី ឈ្មោះ ង្វៀងជាន់វិញ អាយុ ៣២ឆ្នាំ ជាគ្រូបង្រៀនក្បាច់គុណមួយរូប ដោយឡែកស្ត្រីជាប្រពន្ធមានឈ្មោះ វូ ធី ធូ អាយុ ២៧ឆ្នាំ មុខរបរជាបុគ្គលិកភ្នាក់ងារសារព័ត៌មានហាណូយ ។ យោងតាមសកម្មភាពនៅក្នុងកាមេរ៉ាសុវត្ថិភាពបានឲ្យឃើញថា នៅថ្ងៃកើតហេតុ បុរសបង្កហាក់ដូចជាមានកំហឹងអំពីរឿងអ្វីមួយយ៉ាងខ្លាំង រំពេចនោះស្រាប់តែលេចមុខស្ត្រីជាប្រពន្ធចេញមកតទល់ ទាំងដែលនៅក្នុងដៃមានបីកូនតូចម្នាក់ផងដែរ ។ នៅក្នុងហេតុការណ៍នោះ បុរសជាប្ដីក៏បានប្រើប្រាស់អំពើហិង្សាលើប្រពន្ធរបស់ខ្លួន ដោយវាយផង ធាក់ផង ដោយមើលទៅពិតជាគួរឲ្យអាណិតនាងជាប្រពន្ធខ្លាំងណាស់ ។
ក្រោយកើតហេតុ សមត្ថកិច្ចក៏បានចុះមកដល់ផ្ទះកើតហេតុ ដោយបានឃាត់ខ្លួនជនបង្ក ព្រមទាំងបានបញ្ជូនជនរងគ្រោះទៅសង្គ្រោះនៅមន្ទីរពេទ្យភ្លាមៗតែម្ដង ៕
Home សង្គមប្លែកៗ ប្រពន្ធជាអ្នកកាសែត…ឯប្តីគ្រូវ៉ៃ តប់…ទាស់គ្នាប្រាវប្រពន្ធដេកពេទ្យ ប្តីជាប់ខ្នោះ!