…សេពគប់ប៉ះលើមិត្តភក្តិមានចិត្តស្មោះសប្រៀបដូចជាមានសមាជិកក្នុងគ្រួសារដែលចេះជួយឈឺឆ្អាលយកអាសារគ្រប់រឿងរ៉ាវដែលកើតឡើងយ៉ាងអញ្ចឹងដែរ។ ដូចរឿងរ៉ាវរបស់បុរសម្នាក់ជាឧទារណ៍ស្រាប់…។បុរសមួយក្រុមនេះ បានបង្កើតដំណោះស្រាយមិននឹកស្មានមួយ ចំពោះមិត្តភក្តិម្នាក់ដែលមិនមានរថយន្ត។ ពួកគេបានសម្រេចចិត្តទិញរថយន្តមួយគ្រឿងឲ្យទៅមិត្ត ដើម្បីឱ្យគេអាចបើកបរដោយខ្លួនឯង នៅគ្រប់ទីកន្លែងដែលគាត់ចង់ទៅ។
វីដេអូនេះត្រូវបានបង្ហោះនៅលើបណ្តាញសង្គមធ្វីតធឺ ដោយស្ត្រីម្នាក់ធ្វើការនៅហាងលក់រថយន្តមួយនៅអាហ្វ្រិកខាងត្បូង។ យោងតាមការបង្ហោះនោះបានឲ្យដឹងថា បុរសនៅក្នុងវីដេអូ បានសម្រេចចិត្តទិញរថយន្តឲ្យមិត្តភក្តិរបស់ពួកគេ ដោយសារតែ ពួកគេហត់នឿយក្នុងការទៅយកពេលចេញទៅណាម្តងៗ។ មិត្ដភក្ដិដែលបានទទួលរថយន្ដឥតគិតថ្លៃ ច្បាស់ជាមិនជឿព្រោះរឿងមិននឹកស្មានបែបនេះ។ នៅទីបំផុត គាត់បានឡើងលើរថយន្ត ហើយគាត់បានបង្ហាញអារម្មណ៍រំជួលចិត្តជាខ្លាំង។រឿងរ៉ាវយ៉ាងរំជួលចិត្ត ហើយបង្ហាញពីក្តីស្រលាញ់ ចំពោះមិត្តភក្តិនោះ បានធ្វើឲ្យអ្នកលេងបណ្ដាញសង្គមធ្វីតធឺ មានការចែករំលែកដល់ទៅរាប់ពាន់ផង ត្រឹមរយៈពេលដ៏ខ្លី ព្រោះគ្រប់គ្នា បានសរសើរមិនដាច់ពីមាត់ថា មិត្តរបស់គាត់ពិតជាមានទឹកចិត្តល្អ កម្ររកបានណាស់។ អ្នកប្រើប្រាស់បណ្តាញសង្គម Twitter ម្នាក់ទៀតបានបញ្ចេញយោបល់ថា នេះមិនមែនគ្រាន់តែជាមិត្តភាពប៉ុណ្ណោះទេ។
ពេលខ្លះទឹកអាចខាប់ជាងឈាមក៏ថាបាន ពួកគេអាចគិតថាមិនមែនជាមិត្ត តែពួកគេអាចចាត់ទុកថាជាគ្រួសារ។ ស្ត្រីដែលបានបង្ហោះវីដេអូដំបូង ក៏មានសារគួរឱ្យភ្ញាក់ផ្អើលមួយ សម្រាប់មនុស្សគ្រប់គ្នាថា គួរតែស្វែងរកមិត្តភក្តិដែលយល់ចិត្តគ្នាបែបនេះ។ វាពិតជារឿងរ៉ាវដ៏អស្ចារ្យមួយ កាលដែលមានមិត្តភក្តិមានទឹកចិត្តល្អបែបនេះ។ វាមិនមែនជារឿងលេងសើចនោះទេ តែវាជាអ្វីដែលមិត្តភក្តិអាចជួយគ្នាបានក្នុងពេលដែល មិត្តភក្តិមានតម្រូវការ៕
Home សង្គមប្លែកៗ មិត្តភក្តិស្មោះស ខ្ចិលជូនចុះឡើងឆ្វេចឆ្វាច ទិញឲ្យមួយគ្រឿងតែម្តង បើកខ្លួនឯងទៅ!