រូបកាយជាប់គ្នាមែន…តែស្គាល់រសជាតិស្នេហាដូចស្ត្រីឯទៀតដែរ

February 17, 2020

974

…ចំពោះស្ត្រីដែលកើតមក មានរូបកាយភ្លោះជាប់គ្នាក្រៅតែពីរឿងគួរឲ្យសង្វេក…ក៏មនុស្សគ្រប់គ្នាគឹកគ្រប់ៗគ្នាទាំងអស់ថា…ពួកនាងគ្មានបុរសណាព្រមយកធ្វើជាប្រពន្ធនោះឡើយ។ ប៉ុន្តែបែរជាមានស្ត្រីកូនភ្លោះជាប់គ្នារស់នៅក្នុងប្រទេសឥណ្ឌាបានជួបនូវចំណងស្នេហ៍ជាមួយបុរសម្នាក់ធ្វើឲ្យអ្នកផងទាំងឡាយជួយត្រេកអរយ៉ាងខ្លាំង…ដ្បិតអីពួកនាងភ័ព្ធតែកាយទេ…តែស្នេហាអត់អភ័ព្ធនោះឡើយ ស្ត្រីកូនភ្លោះដែលកើតមកមានដងខ្លួនជាប់គ្នា ទីបំផុតបានរកឃើញស្នេហាពិតហើយ បន្ទាប់ពីរស់នៅយ៉ាងឯការអស់រយៈពេលជាយូរ។ ស្ត្រីបងប្អូនភ្លោះទាំងពីរកើតនៅក្នុងទីក្រុង Kolkata នៃរដ្ឋ Bengal ប្រទេសឥណ្ឌា ក្នុងគ្រួសារក្រីក្រ ។ពួកគេទាំងពីរនាក់មានក្រពះតែមួយ ប៉ុន្តែមានបេះដូង ក្រលៀន និងថ្លើមផ្សេងៗគ្នា។ ឪពុកម្តាយពួកគេមិនចង់មើលថែពួកគេនោះទេ ហើយក៏បានបោះបង់ចោលពួកគេនៅពេលពួកគេអាយុជាង ១០ឆ្នាំ។ ដោយសារតែមិនទទួលបានការអប់រំ ពួកគេទាំងពីរនាក់ដើរសម្តែងសៀកដើម្បីចិញ្ជឹមជីវិត។ពួកគេទាំងពីរនាក់ត្រូវបានគេហៅថា ស្ត្រីពីងពាង ហើយពួកគេមានទ្រូង និងដៃរៀងៗខ្លួន ប៉ុន្តែខ្លួនពួកគេជាប់គ្នាត្រឹមចង្កេះ ហើយ ជើងជាប់គ្នា។ ដោយសារតែមានរូបរាង និងកាយសម្បទាបែបនោះ មនុស្សគ្រប់គ្នាគិតថា ការស្វែងរកស្នេហាគឺជារឿងលំបាកបំផុតសម្រាប់អ្នកទាំងពីរ ប៉ុន្តែវាសនាមនុស្សមើលមិនឃើញ ហើយទីបំផុតពួកគេក៏រកឃើញស្នេហាពិត ដោយពួកគេទាំងពីរត្រូវបានលោក Jasimuddin Ahmad ជ្រើសរើសយកជាដៃគូជីវិត។ បុរសរូបនោះជាគ្រូបង្រៀនក្រៅម៉ោង៕