សោធននិវត្តន៍ជនវ័យចំណាស់ម្នាក់ បានរកឃើញឆ្កែយន្ត័បុរាណមួយក្បាលដែលបានហ៊ុព័ទ្ធដោយធូលីអស់រយៈពេលជាច្រើនឆ្នាំមកហើយនៅក្នុងការ៉ាស់រថយន្តរបស់លោកនៅអង់គ្លេស ហើយវាមានតម្លៃរហូតដល់ទៅជិត៤លានដុល្លារអាមេរិកឯណោះ។លោក Alfred Correya វ័យ៦៦ឆ្នាំ បានរកឃើញឆ្កែអលង្កាធ្វើពីត្បូងថ្ម នៅក្នុងថតទូដែលគាត់មិនដឹងថា វាមានតម្លៃដ៏មហាសាលបែបនេះទាល់តែសោះ។
ឪពុករបស់លោក Correya គឺជាឈ្មួញជួញដូរត្បូងជនជាតិឥណ្ឌាម្នាក់ ហើយនិងបានធ្វើចំណាកស្រុកមកកាន់ប្រទេសអង់គ្លេស កាលពីអំឡុងទសវត្សរ៍ ឆ្នាំ១៩៦០។ពេលដែលគាត់ស្លាប់នៅវ័យ៩៦ឆ្នាំ ក្នុងឆ្នាំ ២០០២ វត្ថុដ៏មានតម្លៃមួយនេះ ត្រូវរក្សាទុកនៅក្នុងទូកំណប់ ក្នុងការ៉ាស់រថយន្តកូនប្រុសរបស់គាត់ហើយត្រូវបានគេភ្លេចពីវាទៅហើយ។លោក Correya បានរកឃើញត្បូងថ្មនេះ ដោយចៃដន្យ ពេលដែលគាត់រុករើរបស់ចាស់ៗនៅក្នុងថតទូ ប៉ុន្តែលោកមិនបានដឹងថា វាមានតម្លៃដ៏មហាសាលនោះទេ។គេមានជំនឿថា ឆ្កែត្បូងថ្មនេះមានអាយុកាលចន្លោះពី៤ពាន់ឆ្នាំទៅ៥ពាន់ឆ្នាំ ហើយក្រុមអ្នកជំនាញ បាននិយាយថា វាមានអាយុកាលតាំងពីយុគសម័យថ្មរបស់ចិនមកម្ល៉េះ។ការរកឃើញត្បូងថ្មដ៏មានតម្លៃនេះដែរ បានធ្វើឲ្យគេនឹកឃើញដល់រឿង “Only Fools and Horses”ជាកន្លែងលោក Del Boy និងលោក Rodney Trotter លក់នាឡិកាចាស់មួយគ្រឿងរកឃើញនៅក្នុងការ៉ាស់រថយន្តរបស់ពួកគេ រួចក៏ក្លាយជាសេដ្ឋី។លោក Correya បាននិយាយប្រាប់កាសែត The Sunថា ឪពុករបស់ខ្ញុំ បានទិញវត្ថុបុរាណមានតម្លៃគ្រប់ប្រភេទ ប៉ុន្តែឆ្កែត្បូងថ្មមួយក្បាលនេះ លោកធ្លាប់ឃើញតែតាំងលម្អរនៅក្នុងផ្ទះប៉ុណ្ណោះ។លោក Alexander Clement គឺជាអ្នកជំនាញវត្ថុបុរាណមកពីអាស៊ី នៅឯសាលតាំងពិព័រណ៍ ស្ថិតនៅក្នុងទីក្រុង Shrewsbury ប្រទេសអង់គ្លេស បានអះអាងពីអាយុកាលរបស់ឆ្កែត្បូងថ្មមួយក្បាលនេះ ហើយលោកបានអះអាងថា វត្ថុដ៏មានតម្លៃមួយនេះធ្វើពីត្បូងថ្មសុទ្ធតែម្តង។
លោកបានបញ្ជាក់ថា ឆ្កែត្បូងថ្មនេះ មានតម្លៃប្រហែលជាជិត៤លានដុល្លារសហរដ្ឋអាមេរិក៕
Home សង្គមប្លែកៗ បុរសដ៏មានសំណាងម្នាក់ប្រទះឃើញឆ្កែត្បូងថ្មអាយុ៥ពាន់ឆ្នាំដែលមានតម្លៃរហូតដល់ទៅជិត៤លានដុល្លារអាមេរិក