…វីដេអូឃ្លីបមួយនេះ ប្រិយមិត្តបានឃើញហើយគឺមិនត្រឹមតែហួសក្នុងចិត្តពន់ពេកនោះទេ ថែមទាំងខឹងសម្បាទៀតផងចំពោះមនុស្សចាស់ផ្សេងៗទៀតដែលបណ្តោយឲ្យក្មេងប្រតោងលេងលើបង្កាន់ដៃជណ្តើរយន្តដែលអាចបង្ករទៅជាគ្រោះថ្នាក់គ្រប់ពេល។
នៅក្នុងវីដេអូ Youtube បានបង្ហាញឲ្យឃើញក្មេងស្រីម្នាក់ ចំណោមមិត្តភក្តិរបស់នាង២នាក់ បានជួបគ្រោះថ្នាក់ ខណៈនាង និងមិត្តភក្តិស្រីៗរបស់នាង នាំគ្នាបន្តោកខ្លួនតាមចំហៀងជណ្តើរយន្ត ពីជាន់ខាងក្រោម ឡើងទៅជាន់ខាងលើនៃផ្សារទំនើបមួយ ។តាមរយៈវីដេអូឃ្លីបបានបង្ហាញឲ្យឃើញក្មេងស្រីតូចជាងគេម្នាក់ បានតោងឡើងតាមជណ្តើរយន្តបានបន្តិច ក៏ទម្លាក់ខ្លួនចុះវិញ ខណៈក្មេងស្រីម្នាក់ទៀត បានចូលបន្តតាមក្រោយ ។ ក្មេងស្រីនោះ បានព្យាយាមបន្តោកខ្លួនតាមចំហៀងជណ្តើរយន្ត ជិតដល់ជាន់ខាងលើទៅហើយ ស្រាប់តែរបូត ដៃ ធ្លាក់ចុះដីវិញ បណ្តាលឲ្យចុកឆ្អល់យ៉ាងខ្លាំងតែម្តង ។
គេក៏ពុំដឹងថា ក្មេងស្រីរូបនោះរងរបួសធ្ងន់ធ្ងរជាងនេះ ឬ យ៉ាងណានោះ ព្រោះតែវីដេអូត្រូវបានបញ្ចប់ត្រឹមនេះ ៕
