ក្មេងស្រីអាយុ១០ឆ្នាំម្នាក់ កំពុងតែត្រដខ្យល់ ក្រោយពីរូបនាងត្រូវបានយុវជនល្មោភកាមម្នាក់ ចាប់រំលោភយ៉ាងព្រៃផ្សៃជាទីបំផុត ជាមួយនឹងការវាយនឹងដុំថ្ម រួចយកនាងទៅកប់ទាំងរស់ នៅក្នុងប្រទេសឥណ្ឌា។
បច្ចុប្បន្ន ក្មេងស្រីម្នាក់នេះ កំពុងស្ថិតនៅក្នុងស្ថានភាពធ្ងន់ធ្ងរជាទីបំផុត បន្ទាប់ពីការវាយធ្វើបាបរួចចាប់រំលោភលើរូបនាងនៅក្នុងស្រុក Churu ស្ថិតនៅក្នុងរដ្ឋ Rajasthan ភាគខាងជើងប្រទេសឥណ្ឌា កាលពីយប់ថ្ងៃចន្ទកន្លងទៅ។ក្មេងស្រីរងគ្រោះម្នាក់នេះ បានចាកចេញពីផ្ទះគ្រួសារនាងកាលពីវេលាម៉ោង៩ និង៣០នាទីយប់ ដើម្បីទៅទិញស្កគ្រាប់សូកូឡាពីហាងក្នុងស្រុក។ឪពុកម្តាយរបស់ក្មេងស្រីរងគ្រោះ បានកើតក្តីបារម្ភជាខ្លាំង ពេលមិនឃើញកូនស្រីវិលត្រឡប់មកវិញបែបនេះ ហើយក៏បានដើរតាមរកនាងគ្រប់ច្រកល្ហកទាំងអស់។ក្រុមនគរបាល បាននិយាយថា យុវជនគ្មានការងារធ្វើម្នាក់ ដែលរស់នៅជិតខាងនាង បានល្បួងនាងទៅផ្ទះដែលគេទុកចោលនៅក្បែរនោះ។យោងតាមសេចក្តីរាយការណ៍ពីកាសែតThe Times of Indiaបានឲ្យដឹងថា យុវជនល្មោភកាមម្នាក់នេះ បានចាប់រំលោភនាងនិងបានវាយនាងនឹងដុំថ្មត្រូវចំក្បាល មុនពេលព្យាយាមកប់នាងទាំងរស់។ក្មេងស្រីរងគ្រោះ ត្រូវបានគេរកឃើញនៅវេលាម៉ោង១០ និង៣០នាទី ទាំងសន្លប់មិនដឹងខ្លួន និងចេញឈាមត្រង់ក្បាលយ៉ាងជោគជាំ។ នាងត្រូវបានប្រញាប់ប្រញាល់បញ្ជូនទៅកាន់មន្ទីរពេទ្យស្រុក Churu ជាកន្លែងដែលនាង ស្ថិតនៅក្នុងស្ថានភាពធ្ងន់ធ្ងរនៅឡើយ។ក្រុមនគរបាល បានចាប់ខ្លួនជនសង្ស័យអាយុ២១ឆ្នាំម្នាក់ ដែលរស់នៅក្នុងតំបន់នោះ។លោក Vishnu Dutt គឺជាមន្ត្រីនៅប៉ុស្តិ៍នគរបាល Rajgarh ស្រុក Churuបាននិយាយថា ពេលដែលក្មេងស្រីទៅទិញស្កគ្រាប់សូកូឡា ជនសង្ស័យបានល្បួងនាំយកនាងទៅកាន់ផ្ទះដែលគេទុកចោល រួចក៏បានចាប់រំលោភនាងទាំងកម្រោលតែម្តង។ករណីចាប់រំលោភនេះដែរ បានកើតមានឡើងស្របពេលមានការជជែកដេញដោយច្រើនពីអំពើហិង្សាផ្លូវភេទនៅក្នុងប្រទេសឥណ្ឌា ក្រោយកើតមានករណីស្រដៀងគ្នា កាលពីរយៈពេលប៉ុន្មានសប្តាហ៍កន្លងមកនេះ។
គួររំឭកថា សាកសពស្ត្រីវ័យ២៧ឆ្នាំម្នាក់ដែលត្រូវបានគេដុតកម្ទេចចោល ត្រូវបានរកឃើញកាលពីចុងខែវិច្ឆិកា ឆ្នាំ២០១៩កន្លងទៅ នៅក្នុងទីក្រុង Hyderabad ស្ថិតនៅភាគខាងត្បូង ប្រទេសឥណ្ឌា។ក្រោយមក ក្រុមនរគបាល បានបាញ់សម្លាប់បុរស៤នាក់ ដែលជាប់សង្ស័យនឹងករណីរំលោភសម្លាប់ស្ត្រីខាងលើ ក្រោយពីក្រុមអ្នកស៊ើបអង្កេត នាំពួកគេទៅកាន់កន្លែងកើតហេតុ៕ក្មេងស្រីអាយុ១០ឆ្នាំម្នាក់ត្រូវបានយុវជនម្នាក់រំលោភយ៉ាងព្រៃផ្សៃរួចយកនាងទៅកប់ទាំងរស់
ក្មេងស្រីអាយុ១០ឆ្នាំម្នាក់ កំពុងតែត្រដខ្យល់ ក្រោយពីរូបនាងត្រូវបានយុវជនល្មោភកាមម្នាក់ ចាប់រំលោភយ៉ាងព្រៃផ្សៃជាទីបំផុត ជាមួយនឹងការវាយនឹងដុំថ្ម រួចយកនាងទៅកប់ទាំងរស់ នៅក្នុងប្រទេសឥណ្ឌា។
បច្ចុប្បន្ន ក្មេងស្រីម្នាក់នេះ កំពុងស្ថិតនៅក្នុងស្ថានភាពធ្ងន់ធ្ងរជាទីបំផុត បន្ទាប់ពីការវាយធ្វើបាបរួចចាប់រំលោភលើរូបនាងនៅក្នុងស្រុក Churu ស្ថិតនៅក្នុងរដ្ឋ Rajasthan ភាគខាងជើងប្រទេសឥណ្ឌា កាលពីយប់ថ្ងៃចន្ទកន្លងទៅ។ក្មេងស្រីរងគ្រោះម្នាក់នេះ បានចាកចេញពីផ្ទះគ្រួសារនាងកាលពីវេលាម៉ោង៩ និង៣០នាទីយប់ ដើម្បីទៅទិញស្កគ្រាប់សូកូឡាពីហាងក្នុងស្រុក។ឪពុកម្តាយរបស់ក្មេងស្រីរងគ្រោះ បានកើតក្តីបារម្ភជាខ្លាំង ពេលមិនឃើញកូនស្រីវិលត្រឡប់មកវិញបែបនេះ ហើយក៏បានដើរតាមរកនាងគ្រប់ច្រកល្ហកទាំងអស់។ក្រុមនគរបាល បាននិយាយថា យុវជនគ្មានការងារធ្វើម្នាក់ ដែលរស់នៅជិតខាងនាង បានល្បួងនាងទៅផ្ទះដែលគេទុកចោលនៅក្បែរនោះ។យោងតាមសេចក្តីរាយការណ៍ពីកាសែតThe Times of Indiaបានឲ្យដឹងថា យុវជនល្មោភកាមម្នាក់នេះ បានចាប់រំលោភនាងនិងបានវាយនាងនឹងដុំថ្មត្រូវចំក្បាល មុនពេលព្យាយាមកប់នាងទាំងរស់។ក្មេងស្រីរងគ្រោះ ត្រូវបានគេរកឃើញនៅវេលាម៉ោង១០ និង៣០នាទី ទាំងសន្លប់មិនដឹងខ្លួន និងចេញឈាមត្រង់ក្បាលយ៉ាងជោគជាំ។ នាងត្រូវបានប្រញាប់ប្រញាល់បញ្ជូនទៅកាន់មន្ទីរពេទ្យស្រុក Churu ជាកន្លែងដែលនាង ស្ថិតនៅក្នុងស្ថានភាពធ្ងន់ធ្ងរនៅឡើយ។ក្រុមនគរបាល បានចាប់ខ្លួនជនសង្ស័យអាយុ២១ឆ្នាំម្នាក់ ដែលរស់នៅក្នុងតំបន់នោះ។លោក Vishnu Dutt គឺជាមន្ត្រីនៅប៉ុស្តិ៍នគរបាល Rajgarh ស្រុក Churuបាននិយាយថា ពេលដែលក្មេងស្រីទៅទិញស្កគ្រាប់សូកូឡា ជនសង្ស័យបានល្បួងនាំយកនាងទៅកាន់ផ្ទះដែលគេទុកចោល រួចក៏បានចាប់រំលោភនាងទាំងកម្រោលតែម្តង។ករណីចាប់រំលោភនេះដែរ បានកើតមានឡើងស្របពេលមានការជជែកដេញដោយច្រើនពីអំពើហិង្សាផ្លូវភេទនៅក្នុងប្រទេសឥណ្ឌា ក្រោយកើតមានករណីស្រដៀងគ្នា កាលពីរយៈពេលប៉ុន្មានសប្តាហ៍កន្លងមកនេះ។
គួររំឭកថា សាកសពស្ត្រីវ័យ២៧ឆ្នាំម្នាក់ដែលត្រូវបានគេដុតកម្ទេចចោល ត្រូវបានរកឃើញកាលពីចុងខែវិច្ឆិកា ឆ្នាំ២០១៩កន្លងទៅ នៅក្នុងទីក្រុង Hyderabad ស្ថិតនៅភាគខាងត្បូង ប្រទេសឥណ្ឌា។ក្រោយមក ក្រុមនរគបាល បានបាញ់សម្លាប់បុរស៤នាក់ ដែលជាប់សង្ស័យនឹងករណីរំលោភសម្លាប់ស្ត្រីខាងលើ ក្រោយពីក្រុមអ្នកស៊ើបអង្កេត នាំពួកគេទៅកាន់កន្លែងកើតហេតុ៕
