[wai id="5"]
[wai id="7"]
វីដេអូគ្លីបដ៏គួរឲ្យភ្ញាក់ផ្អើលមួយឃើញអ្នកកីឡាកាសម្នាក់ស្លៀកពាក់ជាស្តេចចម្រៀងMichael Jackson រួចសម្តែងក្បាច់រាំដើរលើថានព្រះចន្ទ័របស់គាត់ ។នៅក្នុងវីដេអូនេះ ឃើញបុរសម្នាក់នេះ លេងស្ទីលដូចជាលោក Michael Jackson ទាំងពាក់អាវដូចគាត់ និងពាក់ស្រោមដៃពណ៌ស. ពេលដែលគាត់រាំ និងផ្តួលគូប្រកួតឲ្យដួលនៅលើសង្វៀនកីឡាកាស។
ពាណិជ្ជកម្ម
បុរសម្នាក់នៅក្នុងហ្វូងមនុស្ស បានស្រែកខ្លាំងៗថា ឡើង Michael Jackson ឡើងMichael Jackson ឡើងMichael Jackson។ចំណែកនៅក្នុងវីដេអូមួយទៀត ឃើញអ្នកកីឡាកាសតែងខ្លួនជាស្តេចចម្រៀងMichael Jacksonម្នាក់នេះ បានទះដៃ ខណៈដែលបញ្ចេញក្បាច់រាំយ៉ាងរស់រវើក តាមចង្វាក់ភ្លេងរបស់ Michael Jackson ស្របពេលដែលហ្វូងមនុស្សនាំគ្នាស្រែកហ៊ោយ៉ាងកងរំពងនោះ។វីដេអូដែលថតនៅក្នុងប្រទេសប្រស៊ីលនេះ មានអ្នកចូលមើលជាង៧លាននាក់ ចាប់តាំងពីមានការចែករំលែកតាម Twitterកាលពីថ្ងៃសៅរ៍ ហើយនិងជាវីដេអូមួយ ដែលនាំឲ្យអ្នកគិតថា លោក Michael Jackson មាននូវជីវិតថ្មី និងអាជីពថ្មីនៅអាមេរិកខាងត្បូង។អ្នកលេងអនឡាញម្នាក់ បានសរសេរថា តើពិតជាគាត់មែនឬ? វាមិនដឹងជាភ្ញាក់ផ្អើលបែបណាទេ បើសិនជាគាត់រស់ឡើងវិញបែបនេះនោះ។អ្នកលេងម្នាក់ទៀត ក៏បានសរសេរដែរថា ស្តេចចម្រៀងមិនដែលចាកចេញពីពួកយើងម្តងណាឡើយ។
សូមបញ្ជាក់ថា ស្តេចចម្រៀង Michael Jackson បានស្លាប់នៅថ្ងៃទី២៥ ខែមិថុនា ឆ្នាំ២០០៩ ហើយការធ្វើកោសល្យវិច្ច័យសាកសព បានរកឃើញថា គាត់បានស្លាប់ដោយសារតែមនុស្សឃាត ក្រោយពេលដែលវេជ្ជបណ្ឌិតផ្ទាល់ខ្លួនរបស់គាត់ គឺលោក Conrad Murray បានឲ្យថ្នាំដល់គាត់លើសចំណុះ៕
[wai id="6"]
