[wai id="5"]
នៅក្នុងប្រទេសចិនមានករណីចម្លែកៗជាច្រើន ដែលនៅពេលដែលបានលឺហើយពិតជាធ្វើអោយភ្ញាក់ផ្អើលជាមិនខាន។ ដូចជាករណីមួយនេះជាដើមដែលក្មេងស្រីម្នាក់បានបរិភោគសក់ខ្លួនឯងអស់រយៈពេលរាប់ឆ្នាំលុះឈឺចុកចាប់ខ្លាំងពេកម្តាយរបស់នាងក៏ស្ទុះស្អារត់រកពេទ្យជួយ។ បើយោងតាមសារព័ត៌មាន Mirror ក្មេងស្រីអាយុ ៨ ឆ្នាំម្នាក់ មកពីប្រទេសចិន ត្រូវវះកាត់ បន្ទាប់ពីនាងបានបរិភោគសក់របស់ខ្លួនឯង អស់រយៈពេល ៦ ឆ្នាំមកហើយ ។
ពាណិជ្ជកម្ម
ក្មេងស្រីរូបនោះ មានឈ្មោះថា Feifei ដំបូងបានចាប់ផ្តើមទំពារសក់នៅពេលនាងមានអាយុ ២ ឆ្នាំ ហើយបានឈប់ទម្លាប់ដ៏ចម្លែកនេះនៅអាយុ៨ឆ្នាំគឺនៅដើមឆ្នាំ ២០១៩ ។ ប៉ុន្តែក្រោយមកមិនប៉ុន្មាន Feifei បានចាប់ផ្តើមឈឺចាប់ក្រពះធ្ងន់ធ្ងរ និងមានរោគសញ្ញាក្អួតទៀតផង ។ ក្រពះរបស់នាងក៏ហើម កើតចេញពីសក់ទាំងអស់ដែលនាងញ៉ាំ។ បន្ទាប់មកម្តាយរបស់នាងបាន ប្រញាប់ប្រញាល់បញ្ជូន Feifei ទៅកាន់មន្ទីរពេទ្យ Donghua ដែលមានទីតាំងនៅក្វាងដុង ប្រទេសចិន ។ដោយឡែកវេជ្ជបណ្ឌិត Tang Shilong ដែលទទួលបន្ទុកព្យាបាល Feifei បានចាប់ផ្តើមធ្វើការសំអាតក្រពះរបស់នាង ។ ទោះជាយ៉ាងណាក៏ដោយ គាត់មិនអាចរកឃើញកាកសំណល់ចំណីអាហារណាមួយទេ ។ បន្ទាប់មក គាត់បានធ្វើការស្កេន និងភ្ញាក់ផ្អើលយ៉ាងខ្លាំង នៅពេលគាត់បានរកឃើញដុំសក់ទម្ងន់ ១.៥ គីឡូក្រាម ជាមួយនឹងសំណល់អាហារនៅក្នុងក្រពះរបស់នាង ។
នៅពេលដែលពុំអាចយកវាចេញបានតាមរយៈការថតឆ្លុះ នោះលោកវេជ្ជបណ្ឌិត Tang បានធ្វើការវះកាត់លើរូបនាង ហើយបានគ្រប់គ្រងយកដុំសក់នោះចេញពីខ្លួននាងដោយជោគជ័យ ៕
