[wai id="5"]
[wai id="7"]
បុរសវ័យចំណាស់ជនជាតិចិនម្នាក់ ថ្វីបើជាមនុស្សពិការជើង និង គ-ថ្លង់ ក៏ដោយក្តី ប៉ុន្តែមានឆន្ទៈមោះមុត តស៊ូក្នុងឆាកជីវិតជាខ្លាំង ទ្រាំធ្វើកាងារទាំងត្រដាបត្រដួស ជាបុគ្គលិកបោសសម្អាតតាមផ្លូវ ទាំងមិនដែលស្គាល់ពាក្យថា ឈប់សម្រាកបានមួយដងនឹងគេ ធ្វើឲ្យគ្រប់គ្នារំជួលចិត្ត។លោក Shang Wuyi អាយុ៤៦ឆ្នាំ ពិការជើងខាងឆ្វេង និងថែមទាំងជាមនុស្សគ-ថ្លង់ ប៉ុន្តែលោកគឺជាបុគ្គលមួយរូប ដែលគ្រប់គ្នាគោរព និងឲ្យតម្លៃយ៉ាងខ្លាំង ដោយសារតែ លោកជាមនុស្សម្នាក់ ដែលស្រលាញ់នឹងការងារ មិនថាទោះស្ថិតក្នុងស្ថានភាពបែបបណា ក៏លោកនៅតស៊ូមិនចុះចាញ់ក្នុងឆាកជីវិត។
ពាណិជ្ជកម្ម
លោក Shang តែងងើបតាំងពី ព្រលឹម ខ្ទង់ម៉ោង៤ ដើម្បីចេញបម្រើការងារ ជាអ្នកបោសសម្អាតក្នុងទីក្រុង បើទោះបីជាអាកាសធាតុរងា ធ្លាក់ព្រិល ភ្លៀង បែបណា ក៏លោកមិនខ្វល់ពីសុខភាពខ្លួនឯងដែរ។លោក Shang ធ្វើកាងារជាអ្នកសម្អាតក្រុងនេះ អស់រយៈពេល១២ឆ្នាំមកហើយ ដោយប្រើឈើច្រត់ជាជំនួយក្នុងការដើរ និងបំពេញការងាររបស់គាត់។ ប៉ុន្តែរឿងដែលនឹកស្មានមិនដល់នោះ លោកមិនដែលស្គាល់ ថ្ងៃឈប់សម្រាកដូចគេឯងម្តងណាឡើយ។ នេះមិនមែនមានន័យថា ខាងក្រុមហ៊ុនមិនអនុញ្ញាត ឲ្យគាត់ឈប់សម្រាកនោះទេ តែផ្ទុយទៅវិញលោក Shang ជាអ្នកចង់បន្តធ្វើការងារ ដោយខ្លួនឯងទៅវិញទេ។តាមរយៈការអះអាង ពីមិត្តរួមការងាររបស់លោក គឺ លោក Shang មិនដែលឈប់សម្រាក សូម្បីតែមួយដងសោះឡើយ ចាប់តាំងពីរូបគាត់បានទទួលការងារ បោសសម្អាតផ្លូវចំនួន ៤ខ្សែ ដែលមានប្រវែងចម្ងាយសរុបប្រហែល ១,០០០ម៉ែត្រ ក្នុងទីក្រុង ស៊ីអាន ខេត្ត ហ្សាំងស៊ី។ ថ្លែងប្រាប់កាសែតក្នុងស្រុក ជាមួយនឹងការនិយាយម្ហបៗ រួមទាំងកាយវិការ លោក Shang បានប្រាប់ថា លោកជាមនុស្សម្នាក់ ដែលស្រលាញ់នឹងការងារ ក៏ព្រោះតែលោកកើតចំថ្ងៃទី១ ឧសភា ដែលជាទិវាពលកម្មអន្តរជាតិ។ងាកទៅកាន់ជីវិតគ្រួសារវិញ លោក Shang ក៏មានភរិយាម្នាក់ ដែរ ឈ្មោះថា អ្នកស្រី Wang Yaqin ហើយអ្នកទាំងពីរ ក៏ជាបុគ្គលិកបោសសម្អាត ធ្វើការជាមួយគ្នាផងដែរ។ ប្តីប្រពន្ធមួយគូនេះ បានរៀបការសាងអនាគតគ្រួសារជាមួយគ្នា រយៈពេល២១ឆ្នាំមកហើយ។អ្នកស្រី Yaqin ជាភរិយានិយាយថា មិនមែនតែស្វាមីរបស់អ្នកស្រីនោះទេ ដែលគ-ថ្លង់ ស្តាប់អ្វីមិនលឺនោះ សូម្បីតែបងប្អូនស្រីរបស់ស្វាមីអ្នកស្រី ក៏ជាមនុស្សគ-ថ្លង់តាំងពីកំណើតដូចគ្នា។ នេះក៏ព្រោះតែម្តាយរបស់ស្វាមីគាត់ ក៏ជាមនុស្សគ-ថ្លង់ ដែលទំនងមកពីកត្តាហ្សែនតំណពូជ ។ ហើយចំណែកឯ ជើងឆ្វេងដែលស្វាមីរបស់អ្នកស្រីពិការនេះវិញ គឺមកពីត្រូវរថភ្លើងបើកបុក កិនដាច់ ក៏ព្រោះតែស្វាមីគាត់ ស្តាប់មិនលឺថាមានសម្លេងរថភ្លើងមក។
លោក Huang ចៅហ្វាយនាយ របស់លោក Shang បាននិយាយថា ដំបូងឡើយលោកមានការព្រួយបារម្ភយ៉ាងខ្លាំង ខ្លាចក្រែងលោក Shang ធ្វើការងារនេះមិនកើត។ ប៉ុន្តែផ្ទុយទៅវិញ លោក Shang បែរជាធ្វើវាយ៉ាងយកចិត្តទុកដាក់ និងខិតខំបំផុត ហើយថែមទាំងសម្អាតផ្លូវក្នុងទីក្រុង បានយ៉ាងស្អាតថែមទៀត ៕
[wai id="6"]