[wai id="6"]
...ទោះកំពុងតែមានជម្ងឺដេកព្យាបាលក្នុងមន្ទីរពេទ្យ តែកុមារាម្នាក់នេះពុំបណ្តោយឲ្យការប្រលងឆមាសរបស់គេបានរំលងហួសទៅដែរគេបានប្រើប្រាស់គ្រែដេកក្នុងមន្ទីរពេទ្យធ្វើជាថ្នាក់ប្រលងតែម្តង។ កុមារា Xu Yuntao ជាកូនសិស្សបឋមសិក្សា មានវ័យ ៩ ឆ្នាំ រស់នៅខេត្ត Zhejiang នៃប្រទេសចិន។ កុមារារូបនេះ មានជំងឺមហារីកពោះវៀនកម្រិតស្រាល ដែលតម្រូវឲ្យវះកាត់ និងសម្រាកនៅក្នុងមន្ទីពេទ្យមួយរយៈដើម្បីទទួលការព្យាបាលពីក្រុមគ្រូពេទ្យ។ជារឿងចៃដន្យ ស្ថិតក្នុងពេលដែលកុមារារូបនេះកំពុងតែសម្រាកនៅលើគ្រែដើម្បីព្យាបាល ការប្រលងបញ្ចប់ថ្នាក់របស់គេក៏បានចូលមកដល់ ដែលតម្រូវឲ្យកុមារារូបនេះត្រូវធ្វើការសម្រេចមួយ ប្រសិនបើគេមិនទៅប្រលង រូបគេនឹងធ្លាក់។
យោងតាមការចុះផ្សាយរបស់សារព័ត៌មានអាស៊ីវ៉ន បានរៀបរាប់ឲ្យដឹងថា ព្រោះតែមិនចង់ខកខានការប្រលង កុមារារូបនេះបានទទួចសុំអង្វរឲ្យម្តាយរបស់គេធ្វើការទាក់ទងទៅកាន់សាលា Changshan ដើម្បីសុំគ្រូអនុញ្ញាតឲ្យរូបគេធ្វើការប្រលងដូចមិត្តភក្តិរួមថ្នាក់របស់គេដែរ តែរូបគេប្រលងនៅក្នុងមន្ទីពេទ្យ។ ខណៈនោះ រូបគេក៏បានទទួលការយល់ព្រមពីលោកគ្រូ។ពេលកុមារារូបនេះកំពុងប្រលង អ្នកស្រី Wang Chunyun ដែលត្រូវជាម្តាយរបស់ Xu Yuntao មានការភ័យខ្លាចចំពោះស្នាមរបួសរបស់ Xu Yuntao ជាខ្លាំង រហូតដល់គាត់បង្ខំកូនរបស់គាត់សម្រាកប្រសិនបើគេមានអារម្មណ៍ថាមិនស្រួល។ដោយឡែក Xu Yuntao មិនបានធ្វើតាមការណែនាំរបស់អ្នកស្រីឡើយ ពោលគឺរូបគេនៅតែបន្តការប្រលង ដោយចំណាយពេលអង្គុយរហូតដល់ ៧០ នាទី ដែលជាធម្មតា រូបគេអាចអង្គុយបានត្រឹមតែ ២០ នាទី ប៉ុណ្ណោះក្នុងមួយថ្ងៃ ។យោងតាមប្រភពដដែលបានឲ្យដឹងថា ជាលទ្ធផល ការតស៊ូររបស់ Xu Yuntao មិនអត់ប្រយោជន៍ឡើយ ដោយរូបគេទទួលបានពិន្ទុ ៩៥ ក្នុងការប្រលង។ តែរូបគេមិនពេញចិត្តជាមួយពិន្ទុនេះសោះ រហូតដល់រូបគេចង់ធ្វើការត្រួតពិនិត្យមើលពីកំហុសដែលគេធ្វើខុស ដោយលើកហេតុផលថា៖នេះគឺជាការប្រលងបញ្ចប់ឆមាសរបស់ខ្ញុំ ខ្ញុំមិនចង់ឲ្យវារារាំងខ្ញុំនៅថ្ងៃអនាគតទេ។ យោងតាមប្រសាសន៍អ្នកស្រី Wang បានឲ្យដឹងថា៖ទោះបីជា Xu Yuntao មានការឈឺចាប់ដោយសារជំងឺ តែរូបគេនៅតែបន្តការសិក្សា និងប្រាប់ខ្ញុំឲ្យយកសៀវភៅឲ្យគេអាន ពោលគឺសៀវភៅ The Little Prince ជាដើម។ នៅពេលដែលជំងឺរបស់គេស្ងប់ការឈឺចាប់ រូបគេព្យាយាមអានរហូតដល់ ៣ ឬ ៤ មេរៀនឯណោះ។ អ្នកស្រី Wang ក៏បានរៀបរាប់ទាំងទឹកភ្នែកថា៖នៅពេលនេះ គ្រួសាររបស់ខ្ញុំកំពុងតែទទួលរងសម្ពាធផ្នែកហិរញ្ញវត្ថុជាខ្លាំង ក្នុងការចំណាយព្យាបាល Xu Yuntao។ ខ្ញុំបានសាកសួរអ្នកនៅក្នុងមន្ទីពេទ្យអំពីតម្លៃនៃការព្យាបាល ហើយរូបគេបានប្រាប់ថា វាអាចអស់ ៦៣ ០៦០ ដុល្លារអាមេរិក។ តែទោះជាយ៉ាងណាក៏ដោយ ពួកខ្ញុំនៅតែអាចរស់ និងស្វែងរកដំណោះស្រាយដើម្បីជួយកូនរបស់ខ្ញុំ។ នៅក្នុងពេលនេះ ខ្ញុំឃើញថា ខ្លួនខ្ញុំកំពុងលិចលង់នៅក្នុងស្ថានភាពដ៏ងងឹតខ្លាំងណាស់។
ពាណិជ្ជកម្ម
ក្នុងខណៈពេលនេះ អ្នកស្រីហាក់ដូចជាធូរស្រាលបន្តិចដែរ ព្រោះអ្នកស្រីទទួលបានថវិកាបរិច្ចាគពីសាលាចំនួន ៧ ៩០៤ ដុល្លារអាមេរិក និងបានមកពីការបរិច្ចាគតាមរយៈអនឡាញចំនួន ៩ ៤៨៤ ដុល្លារអាមេរិក ដែលសរុបទៅបានចំនួន ១៧ ៣៩២ ដុល្លារអាមេរិក។ចំណែកលោកគ្រូពេទ្យ Xu Xiaojun បានមានប្រសាសន៍ថា៖ទោះបីជាជំងឺនេះពិបាកបន្តិច តែវាអាចមានភាគរយក្នុងការព្យាបាលឲ្យជាសះស្បើយបាន៕