[wai id="5"]
…ស្ត្រីជាម្តាយម្នាក់នេះទំនងជាកំពុងតែដេកបុកពោះហើយក្រោយពីរូបភាពប្រើអំពើហឹង្សាទៅលើកូនប្រុស…ទទួលរងនូវសម្រែករិះគន់យ៉ាងកក្រើកហ្វេសប៊ុកនោះ។ស្ត្រីជាម្តាយ ជនជាតិចិនម្នាក់ បានចាប់ចងដៃកូនប្រុសខ្លួនឯង ជាប់នឹងកន្ទុយម៉ូតូ រួចបើកអូសកាត់តាមដងផ្លូវ ដើម្បីទុកជាការព្រមាន ក្រោយខឹងប្រដែប្រដៅមិនស្តាប់។
ពាណិជ្ជកម្ម
បើយោងតាមប្រព័ន្ធផ្សព្វផ្សាយក្នុងស្រុក បានឲ្យដឹងថា ហេតុការណ៍នេះ ត្រូវបានគេប្រទះឃើញ នៅតាមផ្លូវទីសាធារណៈមួយកន្លែង ស្ថិតក្នុងទីក្រុង Zhaotong ខេត្ត Yunnan ប្រទេសចិន។តាមរយៈវីដេអូឃ្លីប ថតបានដោយអ្នកដំណើរ ប្រទះឃើញហេតុការណ៍ផ្ទាល់ភ្នែកនេះ ក្នុងថ្ងៃកើតហេតុ គេឃើញថា កុមារារងគ្រោះ ត្រូវបានម្តាយរបស់គេ ចាប់ចងដៃទាំងពីរនឹងខ្សែ ចងភ្ជាប់ជាមួយនឹងកន្ទុយម៉ូតូ។ កុមាររងគ្រោះ គេឃើញដេកផ្កាប់មុខនៅនឹងដី ទាំងស្រែកយំ ចំណែកឯស្ត្រីជាម្តាយ ចិត្តឃោរឃៅវិញ អង្គុយលើម៉ូតូត្រៀមនឹងបើកអូសកូនប្រុសខ្លួនឯង។អ្នកដំណើរជាច្រើន បានចូលឃាត់ស្ត្រីជាម្តាយរូបនោះ ឲ្យបញ្ឈប់សកម្មភាពធ្វើបាបកូនដ៏ព្រៃផ្សៃនេះ ប៉ុន្តែនាងបានឆ្លើយតបវិញថា ខ្លួនបានដាក់ទារុណកម្មកូនប្រុសខ្លួនឯងនេះ បានពីរបីថ្ងៃមកហើយ។ ហើយថែមទាំងអះអាង ទាំងមិនញញើតទៀតថា ខ្លួនធ្វើបែបនេះក៏ដោយសារតែ គេរឹងក្បាល រពឹស និយាយប្រដែប្រដៅយ៉ាងណា ក៏មិនចេះស្តាប់តាម ល្ងីល្ងើដូចមនុស្សឆ្កួត ទើបមានតែធ្វើបែបនេះ ដើម្បីឲ្យគេខ្លាចនិងទុកជាមេរៀននៅថ្ងៃក្រោយ ឲ្យរាងចាលតែម្តង។បន្ទាប់ពីវីដេអូឃ្លីបនេះ ត្រូវបានបង្ហោះចែកចាយជាសាធារណៈ នៅលើបណ្តាញសង្គម ធ្វើឲ្យអ្នកនិយមលេងអ៊ីនធើណែតជាច្រើន កើតការរិះគន់ និងខឹងសម្បាយ៉ាងខ្លាំង ចំពោះទង្វើអប់រំកូនដ៏អាក្រក់ ពីសំណាក់ស្ត្រីជាម្តាយរូបនេះ ជាមួយនឹងការបញ្ចេញមតិ ដូចៗគ្នាថា នេះគឺជាសកម្មភាព រំលោភបំពានលើកុមារយ៉ាងខ្លាំង។ ម្យ៉ាងការធ្វើបែបនេះ វាថែមទាំងអាចធ្វើឲ្យក្មេង កើតមានជំងឺ ឬបញ្ហាផ្លូវចិត្តបានថែមទៀតផង។ទោះបីជាយ៉ាងណាក្តី ប្រភពព័ត៌មានមិនបានឲ្យដឹងទេថា ក្រោយកើតហេតុ ស្ត្រីជាម្តាយខាងលើនេះ បញ្ឈប់សកម្មភាពហិង្សារបស់ខ្លួនលើកូនប្រុស ឬមានការជួយអន្តរាគមន៍ ពីសំណាក់មន្ត្រីប៉ូលិសក្នុងតំបន់ ឬយ៉ាងណានោះទេ ៕