[wai id="5"]
…ឃើញកូនស្រីកើតមាននូវជម្ងឺម្យ៉ាងដុះរោមពេញផ្ទៃមុខ…ឪពុក-ម្តាយកើតទុក្ខនឹកអនិច្ចារជាខ្លាំងមិនគួរណាកូនស្រីអីក៏អភ័ព្ធបែបនេះ...តើមានបុរសណាមកបេតីប្រាកដជានៅព្រៅអស់មួយជីវិតហើយ នាង Supatra Sasuphan ត្រូវបានមនុស្សម្នាដាក់រហស្សនាមឲ្យថា “នាងចចក” ឬ “ស្រីមុខស្វា” ព្រោះផ្ទៃមុខរបស់នាងត្រូវគ្របដណ្តប់ដោយរោមគួរឲ្យចម្លែក។នាងកើតជំងឺកម្រម្យ៉ាងគេឲ្យឈ្មោះថា “Ambras Syndrome” បណ្តាលឲ្យរោមដុះហួសកម្រិត ហើយនៅលើពិភពលោកនេះ មានមនុស្សត្រឹមតែ ៥០ នាក់ប៉ុណ្ណោះស្ថិតក្នុងស្ថានភាពបែបនេះ។
ពាណិជ្ជកម្ម
កាលពីនាងនៅតូច Supatra បានទទួលការព្យាបាល ដោយប្រើកាំរស្មីឡាស៊ែរ ដើម្បីកំចាត់ចោលនូវរោមទាំងឡាយ ដែលដុះលើផ្ទៃមុខរបស់នាង។ ទោះកំចាត់ចោលយ៉ាងណាក៏ដោយ ក៏វានៅតែដុះឡើងវិញដដែល ហាក់ដូចគ្មានប្រសិទ្ធភាពអ្វីបន្តិចសោះ។ នៅឆ្នាំ ២០១០ នាងបានជាប់កំណត់ត្រា ហ្គីណេស ក្នុងនាមជាយុវជន មានរោមដុះច្រើនជាងគេលើលោក។នារីរូបនេះធ្លាប់ឲ្យដឹងថា “ខ្ញុំអត់គិតថាខ្លួនឯងខុសប្លែកពីគេទេ ហើយខ្ញុំមានមិត្តច្រើនណាស់នៅសាលារៀន។”យ៉ាងណាក៏ដោយ កន្លងទៅនេះ Supatra បានចាប់ផ្តើមកោររោមចេញពីផ្ទៃមុខរបស់នាង ធ្វើឲ្យរូបនាងពេលឥឡូវ ប្រៀបបានដូចមនុស្សម្នាក់ផ្សេងទៀត ដែលពីមុនជានារី “មុខស្វា” កែប្រែជាមនុស្សធម្មតាដូចគេដូចឯងដែរ។ ឪពុករបស់នាង គឺលោក Samrerng បានឲ្យដឹងថា ព្រោះតែស្ថានភាពជំងឺកូនស្រីរបស់លោកនៅតែដដែល មិនរីកចម្រើនទៅមុខ ដូចនេះនាងមានតែយកឡាម កោរលើផ្ទៃមុខខ្លួនឯងតែម្តងទៅ។ងាកមកជីវិតផ្ទាល់ខ្លួនរបស់នាងវិញ តាំងតែពីបានជាប់កំណត់ត្រាហ្គីណេសមក Supatra បានរៀបការជាមួយបុរសម្នាក់ ដែលនាងឲ្យដឹងថា ជាមនុស្សចេះគោរព និងឲ្យតម្លៃដល់នាង។នាងបានសរសេរលើបណ្តាញសង្គមថា “បងមិនត្រឹមជាមនុស្សប្រុសដំបូងរបស់អូនទេ តែបងជាស្នេហ៍តែម្នាក់គត់ប្រចាំជីវិតអូន”៕