[wai id="6"]
[wai id="7"]
…មានពាក្យលេងសើចលើកមកនិយាយថា…បួសច្រើឆ្នាំដឹងចិត្តព្រះអត់ខ្លាចបាប…ជាពាក្យមួយសំដៅទៅលើបុគ្គលសង្ឍដែលហ៊ានប្រព្រឹត្តិនូវសកម្មភាពដែលសង្គមស្អប់ខ្ពើម មានដូចជាលួចដើរផឹកស៊ីពេលយប់ព្រលប់ព្រលប់ ឬក៏ចាប់រំលោភស្ត្រីភេទជាដើម។ ដូចករណីបុគ្គលសង្ឍមួយនេះវ័យកាន់តែជ្រេទៅហើយ ហើយក៏បានបួសច្រើនវស្សាទៅទៀតបែជាបំផ្លាញកិតិ្តយសខ្លួនឯងយ៉ាងថោកទាបទៅវិញ!។
ពាណិជ្ជកម្ម
សមត្ថកិច្ចនគរបាលជំនាញព្រហ្មទណ្ឌសហការជាមួយមន្ទីរធម្មការ និងសាសនាខេត្តកំពត បានចាប់ផ្សឹកលោកសង្ឃមួយអង្គ ព្រះនាម ទឹម សុផល្លី ព្រះជន្ម៥៧ឆ្នាំ ជាព្រះចៅអធិការវត្តអូរធំ ស្ថិតនៅភូមិកូនសត្វ ឃុំកូនសត្វ ស្រុកទឹកឈូ ខេត្តកំពត ពាក់ព័ន្ធករណីប្រទូស្តកេរិ៍្តខ្មាស លើកុមារី អាយុ១២ឆ្នាំ រស់នៅស្រុកទឹកឈូ ។ ប៉ូលិសបានឲ្យដឹងថា កាលពីប្រហែលម៉ោង៩ព្រឹក ថ្ងៃទី២ ខែកុម្ភៈ ព្រះចៅអធិការវត្តអង្គនោះ បានប្រព្រឹត្តបទល្មើសដោយបំពានសេពសន្ថវៈលើកុមារីអាយុ១២ឆ្នាំ ហើយបានយកទូរស័ព្ទដៃថតជាវីដេអូ ក្រោយមកត្រូវបានបែកធ្លាយដល់អាណាព្យាបាលក្មេងស្រីរងគ្រោះ ទើបមានការប្តឹងផ្តល់ទៅសមត្ថកិច្ច ។ក្រោយពីមានពាក្យបណ្តឹងនោះ សមត្ថកិច្ចបានសហការជាមួយមន្ត្រីជំនាញផ្នែក ចុះទៅចាប់ផ្សឹកព្រះចៅអធិការវត្ត រួចក៏ឃាត់ខ្លួនយកសាកសួរដើម្បីចាត់ការតាមផ្លូវច្បាប់ ។នៅចំពោះមុខសមត្ថកិច្ច អតីតព្រះចៅអធិការអង្គនោះ បានឆ្លើយសារភាពថា ខ្លួនពិតជាបានប្រព្រឹត្តបទល្មើសដូចការចោទប្រកាន់នោះមែន ប៉ុន្តែធ្វើលេង ។ប៉ុន្តែ ជាក់ស្តែងរូបភាពនៅក្នុងទូរស័ព្ទដៃរបស់ព្រះសង្ឃ ដែលសមត្ថកិច្ចបានធ្វើការដកហូត ពិតជាឃ្លីបវីដេអូ មានទាំងភស្តុតាងគ្រប់គ្រាន់សម្រាប់ដាក់បន្ទុកលើអតីតព្រះចៅអធិការវត្តអង្គនោះរួចបាត់ទៅហើយ ។ក្រោយពីបានផ្សឹកហើយ អតីតព្រះចៅអធិការវត្តក៏ត្រូវប៉ូលិសរៀបសំណុំរឿង ដើម្បីបញ្ជូនទៅកាន់សាលាដំបូងខេត្តតាមនីតិវិធីដែរ ៕
