អគ្គនាយកក្រុមហ៊ុនបច្ចេកវិទ្យា Rostec របស់រុស្ស៊ី បាននិយាយថា រុស្ស៊ីកំពុងតែអភិវឌ្ឍន៍នូវប្រភទអាវុធប្រឆាំងនាវាមុជទឹក។លោក Vladimir Lepin ជាអគ្គនាយកប្រចាំនៅក្រុមហ៊ុន Rostec បាននិយាយថា «គម្រូថ្មីនៃអាវុធប្រឆាំងទៅនឹងនាវាមុជទឹក គឺកំពុងត្រូវបានអភិវឌ្ឍន៍។
គ្រាប់បែកប្រឆាំងទៅនឹងនាវាមុជទឹកស៊េរីថ្មី ដែលត្រូវបានគេអភិវឌ្ឍនោះនោះគឺមានឈ្មោះថា Zagon-2។ វាត្រូវបានរចនាឡើងដើម្បីបាញ់កម្ទេចនាវាមុជទឹក ដែលស្ថិតនៅលើផ្ទៃទឹក និងក្រោមទឹកក្នុងជម្រៅរហូតដល់ដល់ ៦០០ម៉ែត្រ ដែលសម្តៅទៅរកនាវាមុជទឹក។ ក្នុងចំណោមរយៈចម្ងាយនេះ គ្រាប់បែកប្រភេទនេះ អាចតម្រង់គោលដៅទៅរកអ្វីដែលវាបានចាត់រ៉ាដាបាន ក្នុងរយៈចម្ងាយ ៤៥០ម៉ែត្រ។
អ្នកអភិវឌ្ឍន៍អាវុធនេះ បានធ្វើឲ្យវាមានកម្លាំងខ្លាំងនិងមានប្រសិទ្ធជាងគ្រាប់បែកស៊េរីមុន គឺស៊េរី Zagon-1 ដល់ទៅ ៣ដងឯណោះ ហើយក៏រឹតតែមានតម្លៃថោកជាងមនទៅទៀត។
គួរកត់សម្គាល់ថា មួយរយៈចុងក្រោយនេះ រុស្ស៊ីបាននិងកំពុងតែខិតខំបង្កើនសមត្ថភាពរបស់ខ្លួនកាន់តែខ្លាំងបន្ថែមទៀត ខណៈដែលអង្គការណាតូ និងសហរដ្ឋអាមេរិក បានបង្ហាញវត្តមាននាវាចម្បាំងរបស់ពួកគេ នៅក្នុងសមុទ្រខ្មៅ។ ថ្មីៗនេះ អាមេរិកបានបញ្ជូននាវាពិឃាតរបស់ខ្លួនធ្វើដំណើរចូលដែនទឹកសមុទ្រខ្មៅ។ ជាប្រតិកម្ម រុស្ស៊ីបាននិយាយថា ខ្លួននឹងធ្វើការឆ្លើយតបទៅនឹងទង្វើនេះ ក្នុងពេលណាមួយ៕DNT-NEWS