[wai id="6"]
…ខណៈពេលដែលលោក មហាធៀ មហាម៉ាត់ ប្រកាសចងសម្ព័ន្ធភាពជាមួយលោក អាន់វ៉ាអ៊ីប្រាហ៊ីម ដើម្បីរួមកម្លាំងដណ្តើមសន្លឹកឆ្នោតយកឈ្នះលើគណបក្សរបស់លោក ណាជីបរ៉ាហ្ស៉ាក់…ក្រុមអ្នកវិភាគខ្លះនៅក្នុងប្រទេសម៉ាឡេស៊ីបានគិតឃើញថាលោកមហាក្សត្របោកខ្ចីដៃលោក អាន់វ៉ា ហើយ ពីព្រោះកាលពីជាង២០ឆ្នាំមុនដែលកាលណោះ លោកមហាធៀ ជានាយករដ្ឋមន្ត្រី ហើយលោក អាន់វ៉ា ជាឧបនាយករដ្ឋមន្ត្រីដែលមានប្រិយភាពសំរាប់ស្នងតំណែងជានាយករដ្ឋមន្ត្រី ក៏ត្រូវលោកមហាធៀ ចាប់ដាក់គុកក្រោមបទចោទប្រកាន់យ៉ាងព្រឺរក្បាលថាមានចំណងស្នេហាជាមួយភេទដូចគ្នា។ បានសេចក្តីថា លោកមហាធៀ អត់ឲ្យលោក អាន់វ៉ាមានឱកាសឡើងធ្វើជានាយករដ្ឋមន្ត្រីនោះទេ។ ដូច្នេះអ្វីដែលលោក មហាធៀ បានសន្យាជាមួយលោក អាន់វ៉ាថា ក្រោយពីអង្គុយកៅអីនាយករដ្ឋមន្ត្រីបានពាក់កណ្តាលអាណត្តិនឹងផ្ទេរទៅឲ្យលោកអាន់វ៉ា ជាការបោកប្រាស់ទាំងស្រុង។ ដ្បិតពេលនេះលោក មហាធៀ បានលាលែងចេញពីតំណែងនាយករដ្ឋមន្ត្រីដើម្បីបង្កើតរាជរដ្ឋាភិបាលថ្មី ដោយក្បៀសបក្សរបស់លោក អាន់វ៉ា ឲ្យនៅជាបក្សប្រឆាំង…។
ពាណិជ្ជកម្ម
នៅទីបំផុតព្រះមហាក្សម៉ាឡេស៊ីព្រះចៅ អាប់ឌុលឡាហ៍ ប៊ីលឡាហ៍ ហ្សាហ៍ បានសម្រេចព្រះទ័យយល់ព្រមឲ្យលោក មហាធៀ មហាម៉ាត់ លាលែងចេញពីតំណែងហើយ ប៉ុន្តែទ្រង់ក៏បានសម្រេចឲ្យលោក ស្ថិតនៅជានាយករដ្ឋមន្ត្រីបណ្តោះអាសន្នសិន រហូតដល់គណៈរដ្ឋមន្ត្រីថ្មីត្រូវបង្កើតឡើង។ ការសម្រេចព្រះទ័យរបស់ព្រះមហាក្សត្រម៉ាឡេស៊ីខាងលើនេះ ត្រូវបានធ្វើឡើង ស្របទៅនឹងរដ្ឋធម្មនុញ្ញមាត្រា ៤៣ ដោយក្នុងនោះបានបញ្ជាក់ផងដែរថា នាយករដ្ឋមន្ត្រីស្តីទី ឬបណ្តោះអាសន្ននឹងត្រូវកាន់ការយ៉ាងយូរបំផុតរយៈពេល ១០ថ្ងៃ រហូតដល់គណៈរដ្ឋមន្ត្រី ព្រមទាំងនាយករដ្ឋមន្ត្រីថ្មីត្រូវជ្រើសតាំង។ បន្ថែមពីនេះ ព្រះមហាក្សត្រក៏បានត្រាស់បង្គាប់ឲ្យកងកម្លាំងប៉ូលិស ថែរក្សាសណ្តាប់ធ្នាប់ និងសន្តិសុខនៅក្នុងប្រទេសទាំងមូលផងដែរ។ជុំវិញបញ្ហាខាងលើនេះអគ្គស្នងការប៉ូលិសជាតិម៉ាឡេស៊ីលោក អាប់ឌុល ហាមីដ បាដ័រ បានលើកឡើងថា «ខ្ញុំអំពាវនាវឲ្យប្រជាជនទាំងអស់ កុំមានការវិភាគអ្វីទាំងអស់។ ដំណើរការនៃលទ្ធិប្រជាធិបតេយ្យ កំពុងតែធ្វើដំណើរទៅមុខយ៉ាងរលូន។ ខ្ញុំក៏សូមអំពាវនាវឲ្យបណ្តាអ្នកនយោបាយ និងប្រជាជនទាំងអស់រក្សាការអត់ធ្មត់ផងដែរ»។
គួរបញ្ជាក់ថា លិខិតលាលែងចេញពីតំណែងរបស់លោក មហាធៀ ត្រូវបានថ្វាយជូនព្រះមហាក្សត្រម៉ាឡេស៊ី នៅម៉ោង ១៖០០នាទីរសៀល នៅថ្ងៃចន្ទនេះ ។ ការសម្រេចចិត្តបែបនេះ គឺបានកើតឡើងក្រោយការលេចលឺដំណឹងថា លោក មហាធៀ នឹងបង្កើតរដ្ឋាភិបាលចម្រុះថ្មីមួយ ដោយមិនមានលោក អាន់វ៉ាអ៊ីប្រាហ៊ីម ៕