កងទ័ពម៉ារីនសហរដ្ឋអាមេរិក បានប្រើប្រាស់ប្រព័ន្ធអាវុធថ្មី ដើម្បីបាញ់ទម្លាក់ដ្រូនអ៊ីរ៉ង់ ធ្វើឲ្យយានគ្មានមនុស្សបើកមួយនេះ ធ្លាក់ចូលក្នុងសមុទ្រ។
ប្រព័ន្ធការពារដែនអាកាសកងទ័ពម៉ារីនស្រាល LMADIS នឹងស្កាត់សញ្ញារវាងដ្រូន និងប្រតិបត្តិកររបស់វា ជាហេតុធ្វើឲ្យវាមានទំនាញដោយមិនអាចគេចផុតបាន។
ឧប្បត្តិហេតុនេះ បានកើតឡើងនៅច្រកសមុទ្រ Hormuz ដែលតភ្ជាប់តំបន់ឈូងសមុទ្រអូម៉ង់ ទៅកាន់តំបន់ឈូងសមុទ្រពែរ្ស។ អង្គភាពបេសកកម្មម៉ារីនទី១១ បានដាក់ប្រព័ន្ធការពារ LMADIS នៅលើនាវាចម្បាំង Boxer ទុកសម្រាប់បាញ់ទម្លាក់ដ្រូន UAVរបស់អ៊ីរ៉ង់ ដែលគេដឹងច្បាស់ថាបានប្រតិបត្តិការនៅតំបន់នោះ។
កងម៉ារីនអាមេរិក បានរកឃើញថាមានដ្រូនអ៊ីរ៉ង់នៅចម្ងាយ១ពាន់ម៉ែត្រប៉ុណ្ណោះ ពីនាវា Boxer។
ប្រព័ន្ធការពារ LMADIS មានរ៉ាដាឈ្លបការណ៍ដែនអាកាស RPS-42 កាមេរ៉ាតូចប្រភេទ EO/IR ប្រព័ន្ធចាប់រលកសញ្ញា Skyview RF និងជើងទម្រ Sierra Nevada MODi RF ។ ចំណែកសមត្ថភាពរបស់វាវិញ គឺ RPS-42 អាចចាប់ដ្រូនក្នុងរ៉ាដា ឬ Skyview ចាប់យកសញ្ញាវិទ្យុទាក់ទងរវាងប្រតិបត្តិករដ្រូន និងដ្រូនខ្លួនវាផ្ទាល់។ បន្ទាប់មកកាមេរ៉ារបស់វា នឹងកំណត់អត្តសញ្ញាណថាតើដ្រូននោះ គឺជាមិត្ត ឬ ជាសត្រូវ។ បើជាសត្រូវ កងម៉ារីន នឹងតម្រង់អាវុធ MODi ដើម្បីបាញ់ទម្ទេចវាចោលតែម្តង៕
