[wai id="5"]
...នៅក្នុងប្រទេសកម្ពុជាយើងនេះ ប្រុសលុតជង្គង់សុំមិត្តស្រីរៀបការមិនធ្លាប់កើតមាននោះទេព្រោះបើស្រឡាញ់គ្នាចូលស្តីដណ្តឹងដល់ចាស់ទុំមិត្តស្រីរៀបការ ឬក៏មិត្តស្រីសុំមិត្តប្រុសរៀបការប្រៀបបានជារឿងសាមញ្ញធម្មតាទៅហើយ។ នារីជាសង្សារម្នាក់ ត្រូវមិត្តប្រុសលុតជង្គង់សុំរៀបការ នៅកណ្តាលទីសាធារណៈ ធ្វើឲ្យនាងភ្ញាក់ផ្អើល ចង់ស្រឡាំងកាំង ព្រោះស្មានថាជាការលេងសើចតាមបែបធម្មតា។ នាង Chelsea Newble មានអាយុ២៣ឆ្នាំ និងមិត្តប្រុសឈ្មោះ Chris Morley អាយុ២៤ឆ្នាំ ពួក ទាំងពីរ បាន ស្រលាញ់គ្នាអស់រយៈពេលជាច្រើនមកហើយ។
ពាណិជ្ជកម្ម
កាលពីពេលថ្មីៗកន្លងទៅនេះ អ្នកទាំងពីរបាននាំគ្នាទៅលេងកម្សាន្ត នៅឧទ្យាន Santa’s Enchanted Forest មួយកន្លែង ដែលមានទីតាំងស្ថិតនៅក្នុងទីក្រុង Miami រដ្ឋផ្លរីដា សហរដ្ឋអាមេរិក ជាមួយនឹងគ្រួសារ និងមិត្តភក្តិសំណព្វចិត្ត ហើយវាក៏ជាពេលវេលាមួយ ដែលលោក Chris បានរៀបចំឡើង ដើម្បីមានឱកាសបានសុំមិត្តស្រីរបស់ខ្លួន រៀបការនៅទីនោះផងដែរ។តាមរយៈវីដេអូឃ្លីបដែលត្រូវបានថតឡើង នៅក្នុងថ្ងៃដ៏រំភើបរីករាយរបស់អ្នកទាំងពីរនោះ ដំបូងឡើយគេឃើញថា នារីជាសង្សារ នាង Chelsea គឺកំពុងតែឈរចាំទិញអាហារសំរ៉ន់មួយចំនួនយកញ៉ាំ ខណៈក្នុងដៃអោបតុក្កតាមួយផងដែរ។ ឆ្លៀតក្នុងឱកាសនោះ លោក Chris ជាមិត្តប្រុសកំពូលស្នេហ៍ ក៏ស្រាប់តែលុតជង្គង់ពីក្រោយនាង ហើយពោលពាក្យសុំនាងរៀបការតែម្តង។ដំបូងនារីជាសង្សារ ហាក់មិនសូវជាខ្វល់ខ្វាយទាល់តែសោះ កញ្ឆក់យកប្រអប់ចិញ្ចៀនពីដៃមិត្តប្រុស ទាំងសើចសប្បាយ ព្រោះមិនជឿថាវាជាការពិត ដោយសារតែ នាងដឹងថាមិត្តប្រុសរបស់នាង គឺជាបុរសម្នាក់ដែលចូលចិត្តលេងសើចច្រើន និងញ៉េះញ៉ោះច្រើនដាក់នាង។នៅគ្រានោះនារីជាសង្សារ ក៏បាននិយាយ សួរទៅកាន់មិត្តប្រុសរបស់ខ្លួន ថា កំពុងតែសម្តែង ឬកំប្លែងលលេងជាមួយនាង ព្រោះនាងពិតជាមិនជឿឡើយ ថា Chris ហ៊ានលុតជង្គង់សុំនាងរៀបការបែបនេះ។ ខណៈឯមិត្តប្រុសនាងវិញ គិតតែពីលុតជង្គង់មិនព្រមងើប សើច ញញឹម ហាក់មិនគួរឲ្យជឿទុកចិត្ត ប៉ុន្តែលោកបានឆ្លើយតបទៅកាន់ Chelsea វិញថា វាមិនមែនជារឿងលេងសើចឡើយ លោកពិតជាសុំនាងរៀបការពិតប្រាកដមែន។
ទីបំផុត Chelsea នាងក៏ព្រមទទួលសំណើរសុំរៀបការពីមិត្តប្រុស ទាំងអួលដើមកនិងសម្រក់ទឹកភ្នែក រួចឈរអោបថើបគ្នា ជាមួយនឹងមិត្តប្រុសនាងតែម្តង។បន្ទាប់ពីវីដេអូឃ្លីបដើមនេះ ត្រូវបានបង្ហោះចែកចាយនៅលើបណ្តាញសង្គម ទទួលបានអ្នកចុចចូលមើល រហូតដល់ទៅច្រើនជាង ១០លានដងឯណោះ និងចំនួនអ្នកចុចចែករំលែក (Share) ច្រើនជាង ១សែននាក់ថែមទៀតផង ៕
