[bg-ads]
រូបភាពដ៏អស្ចារ្យទាំងអស់នេះ បង្ហាញពីជីវិតរស់នៅប្រចាំថ្ងៃរបស់ក្រុមកុលសម្ព័ន្ធអាម៉ាហ្សូន ដែលបានសម្លាប់សាសនាទូតអាមេរិក៥នាក់ កាលពីរយៈពេល៦៤ឆ្នាំមុន ប៉ុន្តែតាមពិតទៅពួកគេគឺជាមនុស្សគួរឲ្យស្រលាញ់រាប់អានបំផុតនៅលើពិភពលោក។អ្នកថតរូបដ៏ក្លាហានម្នាក់ឈ្មោះ Václav Šilha អាយុ៥៦ឆ្នាំ បានថតរូបឃាតករនៅក្នុងកុលសម្ព័ន្ធ Huaorani ពេលដែលរូបលោកទៅលេងពួកគេនៅក្នុងព្រៃអាម៉ាហ្សូន។
[wai id="7"]
នៅក្នុងរូបថតមួយឃើញបុរសម្នាក់កំពុងកាន់លំពែងដ៏ធំមួយ ខណៈដែលរូបថតផ្សេងទៀត ឃើញមេកុលសម្ព័ន្ធ កំពុងខ្ជាក់អាហារមិនទាន់ឆ្អិន ចូលទៅក្នុងចានដែកមួយ។ ចំណែកកុលសម្ព័ន្ធស្រាតម្នាក់ ទៀត កំពុងញញឹម ជាមួយនឹងជ្រូកព្រៃយ៉ាងធំមួយក្បាលដែលគាត់ប្រម៉ាញ់បាន។កុលសម្ព័ន្ធមួយនេះ ត្រូវបានគេដឹងច្បាស់ថា ជាអ្នកសម្លាប់បុរសជនជាតិអាមេរិក៥នាក់ ដែលបានព្យាយាមបញ្ចុះបញ្ចូលឲ្យពួកគេមកកាន់សាសនាគ្រិស្តវិញ កាលពីឆ្នាំ១៩៥៦។ពួកគេបានស្លាប់ទាំងអស់ ក្រោយពេលដែលកុលសម្ព័ន្ធ Huaorani ជឿថា ពួកគេគឺជាមនុស្សស៊ីសាច់មនុស្ស គឺជាអ្វីដែលពួកគេមានការស្តាយក្រោយ និងបានសារភាពថា មកពីពួកគេភាន់ច្រឡំ។លោក Václav មកពីទីក្រុង Prague ប្រទេសឆេក បាននិយាយថា លោកបានទៅលេងក្រុមកុលសម្ព័ន្ធ Huaoraniជាមួយនឹងអ្នកមគ្គុទេសម្នាក់ ដែលកុលសម្ព័ន្ធមួយនេះស្គាល់ច្បាស់ ហេតុដូច្នេះហើយទើបលោកមានសំណាង ទទួលបានការស្វាគមន៍យ៉ាងកក់ក្តៅបែបនេះ។លោកបាននិយាយថា លោកមានការភ្ញាក់ផ្អើលខ្លាំងណាស់ នឹងកម្លាំងជំនឿតាមបែបប្រពៃណីរបស់ពួកគេ ចំណេះដឹងធម្មជាតិរបស់ពួកគេ ហើយនិងអារម្មណ៍របស់ពួកគេមានចំពោះសហគមន៍។លោកបន្តថា ពាក្យថា “Huaorani” មានន័យថា “មនុស្សលោក” ហើយលោកហ៊ាន និយាយថា ពួកគេគឺជាមនុស្សដែលគួរឲ្យស្រលាញ់រាប់អានបំផុតដែលលោកមិនធ្លាប់ដែលជួបពីមុនមកនៅលើពិភពលោក។
សូមបញ្ជាក់ថា កុលសម្ព័ន្ធ Huaorani រស់នៅក្នុងព្រៃអាម៉ាហ្សូន របស់ប្រទេសអេក្វាទ័រ ហើយពួកគេចូលចិត្តប្រម៉ាញសត្វស្វាមកធ្វើជាអាហារ ដោយប្រើប្រាស់ព្រួញពិស។ពួកគេត្រូវបានរកឃើញដំបូងដោយកម្មករក្រុមហ៊ុនប្រេង Shell នៅចុងទសវត្សរ៍ឆ្នាំ១៩៤០ ប៉ុន្តែរដ្ឋាភិបាលអេក្វាទ័រ នៅតែបន្តឈ្លានពានដែនដីរបស់ពួកគេ ដើម្បីខួងយកប្រេងឥន្ធនៈហ្វូស៊ីល៕
[wai id="6"]