[wai id="5"]
...ពិតជារឿងចំឡែកទើបតែជួបប្រទៈហើយនេះពីព្រោះធម្មតាអ្នកដើរសុំទានទាំងក្មេង ទាំងចាស់សុទ្ធតែបង្ហាញនូវកាយវិការធ្វើឲ្យអ្នកដទៃគេអាណិត តែចំពោះក្មេងៗមួយក្រុមនេះបង្កើតរបៀបសុំទានប្លែកទៅវិញគឺប្រើប្រាស់កាំភ្លើងជ័រដើរភ្ជង់សុំទានតែម្តង។អ្នកបើកបររថយន្តជាច្រើននៅលើដងផ្លូវនៃរដ្ឋសាបា ប្រទេសម៉ាឡេស៊ីនាពេលថ្មីៗនេះ ធ្លាប់ឆ្លងកាត់ដោយក្មេងប្រុសម្នាក់យកកាំភ្លើងជ័រដើរភ្ជង់គេឯងដើម្បីសុំលុយនៅតាមផ្លូវ និងភ្លើងស្តុបនានា។ យោងតាមប្រភពព័ត៌មានAstro Awani បានអោយដឹងថាក្មេងប្រុសនេះជារឿយៗតែងតែទៅគោះទ្វាកញ្ចក់រថយន្តដោយយកកាំភ្លើងទៅជាមួយផង ដែលអ្នកខ្លះមានការភ័យខ្លាចចំពោះក្មេងប្រុសម្នាក់នេះ។
ពាណិជ្ជកម្ម
ប្រភពដដែលបានបន្តថាពិតជាហួសចិត្តខ្លាំងដែលឪពុកម្តាយបណ្តោយអោយក្មេងតូចនេះធ្វើរឿងបែបនេះនៅទីសាធារណៈ ឬមួយក៏ឪពុកម្តាយមិនបានដឹងថាក្មេងប្រុសនេះធ្វើបែបនេះ? ដែលជាធម្មតាពួកគេមានគ្នាពីរបីនាក់យកកាំភ្លើងទៅភ្ជង់អ្នកដំណើរដើម្បីសុំលុយដែលទង្វើនេះវាស្មើរនឹងបទល្មើសប្លន់ដែរ។អ្នកដំណើរម្នាក់ដែលបានឃើញ និងនិយាយពីក្មេងប្រុសតូចម្នាក់នេះបានអោយដឹងថា ក្មេងនេះបានកាន់កាំភ្លើងខ្លីជាប្រដាប់ប្រដាក្មេងលេងដើរតម្រង់ទៅឡានអ្នកដំណើរដែលឈប់ស្តុបនៅតាមផ្លូវក្នុងគោលបំណងដើម្បីបំភ័យអ្នកបើកបរឱ្យលុយខ្លួន។ ភ្លាមៗក្រោយរាយការណ៍ពីពលរដ្ឋ ប៉ូលីសមូលដ្ឋានបានទៅដល់កន្លែងកើតហេតុហើយធ្វើការចាប់ខ្លួនក្មេងប្រុសនេះតែម្តង។ប៉ូលីសមូលដ្ឋាននៃរដ្ឋសាបាបានអោយដឹងថា យ៉ាងហោចណាស់មានមនុស្សជាង១៥នាក់ផ្សេងទៀតក៏ត្រូវបានប៉ូលីសក្នុងតំបន់ចាប់ខ្លួន ជុំវិញបញ្ហានេះ ។ យោងតាមប្រធានប៉ូលីសក្នុងតំបន់ បានអោយដឹងថា១១នាក់ក្នុងចំនោម១៥នាក់ដែលត្រូវបានឃាត់ខ្លួននោះគឺជាកុមារ។ អ្នកជាប់ឃុំឃាំងចាស់ជាងគេមានអាយុ៣១ឆ្នាំ។
កាំភ្លើងជ័រជាប្រដាប់ក្មេងលេងនេះដែលត្រូវបានប្រើក្នុងឧប្បត្តិហេតុនេះទំនងជាត្រូវបានប្រគល់ឱ្យក្មេងប្រុសទាំងនោះដោយឪពុកម្តាយរបស់ពួកគេ ហើយត្រូវបានគេប្រើក្មេងៗទាំងនោះដើម្បី រកលុយអោយពួកគេ៕