[wai id="5"]
[wai id="7"]
…ជួបមុខគ្នាហើយ លៀនអណ្តាតដាក់គ្នា ប្រៀបបានជាកាយវិការលេងសើចតែប៉ុណ្ណោះ…ប៉ុន្តែចំពោះកាយវិការលៀនអណ្តាតបែបនេះគឺនៅតំបន់ទីបេជាកាយវិការបង្ហាញនូវភាពស្មោះត្រង់ មានជាប់ទាក់ទងទៅនិងប្រពៃណីតាំងពីបុរាណកាលមកម្ល៉េះ។ ពិតមែនហើយ ប្រពៃណីទំនៀមទម្លាប់តាមប្រទេសនីមួយៗ តែងតែមានភាពខុសប្លែកគ្នាតិច ឬច្រើនទៅតាមតំបន់ និងជំនឿដូនតាបន្សល់ទុកឲ្យ ក្នុងការស្វាគមន៍ពេលជួបមុខគ្នា ដូចជាប្រជាជនអាស៊ីខ្លះ មានទម្លាប់លើកដៃសំពះ អោនក្បាល ឯអឺរ៉ុបចាប់ដៃរលាក់ជាដើម ដើម្បីជាការគោរព។
ពាណិជ្ជកម្ម
ចំណែកនៅទីបេវិញ គេសង្កេតឃើញប្រជាជនមិនបាច់ប្រើកាយវិការលើកដៃ អោនក្បាល ឬចាប់ដៃ គោរពនោះទេ គឺគ្រាន់តែលៀនអណ្ដាតចេញមួយភ្លែតឲ្យអ្នកដែលយើងចង់ស្វាគមន៍ឃើញ ជាការស្រេច។បើតាមគេហទំព័រ Quora ផ្សព្វផ្សាយពីវប្បធម៌ និងជំនឿប្រជាជនជុំវិញពិភពលោក បានរៀបរាប់ថា នៅសតវត្សទី៩មាន ស្ដេចទីបេម្នាក់ឈ្មោះ Lang Darma ល្បីជាស្ដេចឃោរឃៅ និងមានអណ្ដាតពណ៌ខ្មៅ។ ក្នុងនាមជាអ្នកប្រតិបត្តិពុទ្ធសាសនា ប្រជាជនទីបេជឿថាក្រោយស្ដេច Lang Darma លាចាកលោកទៅ ស្ដេចមានសារជាតិសាហាវឃោរឃៅនេះ នឹងចាប់កំណើតឡើងវិញ។ជាច្រើនសតវត្សកន្លងទៅ ពួកគេមានជំនឿក្នុងការស្វាគមន៍គ្នាដោយលៀនអណ្ដាត ដើម្បីបញ្ជាក់ថាពួកគេមិនមានអណ្ដាតពណ៌ខ្មៅ ឬមិនមានសារជាតិអាក្រក់ក្នុងខ្លួនឡើយ។
មកដល់បច្ចុប្បន្ន ខ្ពង់រាបទីបេដែលសម្បូរទៅដោយជនជាតិភាគតិចរស់នៅលាយឡំគ្នានេះ គេនៅសង្កេតឃើញមានប្រពៃណីលៀនអណ្ដាតស្វាគមន៍នៅឡើយ៕
[wai id="6"]