[wai id="6"]
…នៅពេលដែលកើតចេញនូវគំនិតចង់ធ្វើការពិសោធន៍ទៅលើស្ត្រីអានាថា តើពេលបានទទួលប្រាក់ហើយនោះស្ត្រីសុំទានយកប្រាក់ទៅធ្វើអ្វីដែរ…ការពិសោធន៍ក៏ចាប់ផ្តើម ហើយលទ្ធផលស្ទើរទប់ទឹកភ្នែកអត់បាន។តារាយូធូបម្នាក់ឈ្មោះ Das បានសម្រេចធ្វើការពិសោធន៍ជាមួយនារីអនាថាម្នាក់ដែលអង្គុយនៅតាមដងផ្លូវដោយឲ្យក្រុមកាមេរ៉ាចាំថតនៅក្បែរនាង ហើយលោកបានធ្វើការប្រគល់ទឹកប្រាក់ចំនួន ២៨៣ ដុល្លារអាមេរិក ដែលជាទំហំទឹកប្រាក់មួយដ៏ច្រើន ទៅឲ្យនារីអនាថានោះ។នៅពេលដែលលោក Das ហុចលុយទៅឲ្យនាងដំបូង នាងបដិសេធមិនទទួលយកឡើយ។ តែនៅពេលដែលលោក Das ទទូចសុំនាងឲ្យទទួល នាងក៏សម្រេចចិត្តទទួលយក ហើយនាងក៏បានស្នើសុំអោបលោក Das ដើម្បីបង្ហាញការដឹងគុណ។
ក្រោយពេលប្រគល់លុយទៅនារីគ្មានផ្ទះសម្បែងនោះហើយ លោក Das ក៏បានធ្វើដំណើរចេញពីទីនោះ ដោយរក្សាទុកក្រុមកាមេរ៉ាដើម្បីរង់ចាំថតនូវសកម្មភាពរបស់នាងបន្តទៀតថាតើនៅពេលដែលនាងបានថវិកានោះហើយ តើនាងនឹងធ្វើអ្វី?។
ក្រោយពីទទួលបានថវិកាហើយ នារីអនាថាក៏បានធ្វើដំណើរតាមដងផ្លូវ ដោយឆ្លងកាត់ហាងលក់សម្លៀកបំពាក់ ហើយក៏បានឈប់នៅកន្លែងហាងកាហ្វេមួយកន្លែងហើយទិញការ៉េម ទៅអង្គុយញុំានៅលើតុ។ក្រោយពីទទួលទានការ៉េមរួចរាល់ នាងបានបន្តដំណើរចូលទៅក្នុងកន្លែងលក់សត្វចិញ្ចឹមមួយកន្លែង។ ពេលដែលនាងចូលទៅក្នុងនោះ លោក Das និងអ្នកថត បានឈរចាំនាងនៅខាងក្រៅប្រហែល មួយម៉ោង ដើម្បីរង់ចាំមើលនាងចេញមកវិញ។ មិនយូរប៉ុន្មាន នារីអនាថាក៏បានធ្វើដំណើរចេញមកដោយបីកូនឆ្កែមួយក្បាលមកជាមួយផង។ពេលឃើញបែបនេះ លោក Das ក៏បានស្រែកសួរនាងថា៖អេ! ខ្ញុំបានតាមដានអ្នក។ ពួកយើងបានឃើញអ្នកធ្វើដំណើរឆ្លងកាត់ហាងលក់សម្លៀកបំពាក់ និងកន្លែងមួយចំនួនទៀត។ តើអ្នកយកលុយដែលខ្ញុំបានឲ្យ ដើម្បីមកយកកូនឆ្កែនេះទៅចិញ្ចឹមឬ? នារីអនាថាបានឆ្លើយតបថា៖ចាស៎! ខ្ញុំគ្រាន់តែមិនដឹងថាទិញអ្វី។ ខ្ញុំចាប់អារម្មណ៍ខ្លាំងទៅលើកូនឆ្កែនេះ។ នាងក៏បានបន្តរៀបរាប់ថា៖ខ្ញុំបានមើលទៅកាន់សម្លៀកបំពាក់ គ្រឿងអលង្ការ ក៏ប៉ុន្តែវាមិនធ្វើឲ្យបេះដូងរបស់ខ្ញុំរំជើបរំជួលចង់បានសោះ។ ទីនេះគឺជាកន្លែងដែលបេះដូងរបស់ខ្ញុំនាំខ្ញុំមក ហើយកូនឆ្កែនេះជាអ្វីដែលបេះដូងរបស់ខ្ញុំចង់បាន។ កូនឆ្កែនេះគឺជាអ្វីដែលខ្ញុំអាចនិយាយជាមួយ អាចស្រលាញ់ និងអាចអោបវាបាន។ មិនថាកាលៈទេសៈបែបណា កូនឆ្កែមួយក្បាលនេះ តែងតែនៅជាមួយខ្ញុំជានិច្ច។
ពាណិជ្ជកម្ម
ក្រោយពីស្តាប់ឮពាក្យរៀបរាប់របស់នារីអនាថាហើយ លោក Das ពិតជាមានអារម្មណ៍ភ្ញាក់ផ្អើលជាខ្លាំង ហើយលោក និងក្រុមជាងថត បានជួយទិញចំណីសម្រាប់កូនឆ្កែផងដែរ។ បន្ទាប់មកលោក Das ក៏បានហូតលុយចេញពីកាបូបឲ្យនាងបន្ថែម ហើយលោកបាននិយាយទៅកាន់នារីអនាថាថា៖គ្រាន់តែឮពាក្យលោក Das ភ្លាម ទឹកភ្នែករបស់នារីអនាថាក៏បានស្រក់ចុះដោយលាយឡំជាមួយនឹងភាពសប្បាយរីករាយ ដែលបានឃើញទឹកចិត្តដ៏ល្អរបស់លោក Das៕
