[wai id="5"]
[wai id="7"]
…រឿងរ៉ាវដែលកំពុងល្បីនិយាយតៗគ្នាក្លាយជាមាត់ព្រាបមាត់ចាបថាលោកស្នងការប៉ូលិសខេត្តពោធិ៍សាត់បានដោះលែងទាំងតៃកុងទាំងរថយន្តក្រោយពីបង្ករគ្រោះថ្នាក់…ប្រសិនបើជារឿងពិតលោកស្នងការចៀសមិនផុតនោះឡើយពីសម្តីបូញមាត់ថា ប្រាក់ដុល្លារមានឥទ្ធិពលមែន ជនល្មើសរួចខ្លួនឯកជនរងគ្រោះដេកពើតផ្សាក្នុងមន្ទីរពេទ្យ…។កាលពីថ្ងៃទី១៦ ខែកុម្ភៈ កន្លងទៅ មានរថយន្ដហ្វត ១គ្រឿងបើកបរដោយបុរសវៀតណាមម្នាក់ បានបុកពលរដ្ឋម្នាក់ បណ្តាលឲ្យរងរបួសធ្ងន់បែកក្បាល និងមានឈាមកកក្នុងខួរ ត្រូវក្រុមគ្រួសារបញ្ជូនទៅសង្គ្រោះនៅមន្ទីរពេទ្យ នៃប្រទេសវៀតណាម ។ ចំណែក រថយន្តបង្ក និងអ្នកបើកបរ ក្រោយពីឃាត់ខ្លួនបានតែមួយដង្ហើមចង្រិត ស្រាប់តែសមត្ថកិច្ច ដោះលែងទៅវិញបាត់ ដោយមិនទាន់បានដោះស្រាយជាមួយជនរងគ្រោះឡើយ ។
ពាណិជ្ជកម្ម
យោងតាមផេក Pheng Vannak News ដែលបានបង្ហោះ មានខ្លឹមសារថា «ជនបង្កជាវៀតណាម អ្នកបញ្ជាអោយដោះលែង គឺឧត្ដមសេនីយ៍ទោ សារុន ចាន់ធី ស្នងការខេត្តពោធិ៍សាត់ បន្ទាប់ពីមានការរិះគន់ដល់មន្ត្រីនគរបាលក្រុងពោធិ៍សាត់ ថាបានដោះលែងរថយន្ត និងជនបង្កករណីគ្រោះថ្នាក់ចរាចរណ៍ នៅក្បាលស្ពានថ្មរទីរួមខេត្ត ពោធិ៍សាត់ កាលពីថ្ងៃទី១៧ ខែកុម្ភៈ ឆ្នាំ២០២០ ដោយមិនសងប្រាក់ជនរងគ្រោះ មួយរៀលនោះ។ ប្រភពពីមន្ត្រីនគរបាលក្រុងពោធិ៍សាត់បានលួចបង្ហើបថា អ្នកដែលបញ្ជាអោយដោះលែងរថយន្ដ និងជនបង្ក គឺលោកឧត្ដមសេនីយ៍ទោ សារុន ចាន់ធី ស្នងការនគរបាលខេត្តពោធិ៍សាត់ និងលោកស្នងការរងទទួលបន្ទុកចរាចរណ៍ ។ ចំណែកជនបង្ក ជាជនជាតិវៀតណាមឈ្មោះហ៊ុយ គីម ជាម្ចាស់រថយន្តហ្វត ពណ៌ស ពាក់ស្លាកលេខ ភ្នំពេញ 2AY-2577 ។គួរបញ្ជាក់ថា កាលពីថ្ងៃទី១៦ ខែកុម្ភៈ ឆ្នាំ ២០២០ វេលាម៉ោងប្រមាណ ១០:០០នាទីព្រឹក រថយន្ដហ្វត ពាក់ស្លាកលេខ ភ្នំពេញ 2AY-2577 បានបើកបុកម៉ូតូជនរងគ្រោះ បណ្ដាលអោយរបួសធ្ងន់នៅក្បាលស្ពានថ្មត្ត្រើយខាងលិច ទីរួមខេត្តពោធិ៍សាត់ ។ ពេលបុកមនុស្សហើយ រថយន្ដបង្កមិនឈប់ទេ បានបើករត់គេចរហូតដល់ប៉ុស្តិ៍ត្រួតពិនិត្យការអនុវត្តន៍ច្បាប់ចរាចរមុខស្នាក់ការពន្ធដារខេត្ត ទើបចាប់បាន ហើយនាំយកទាំងរថយន្ត និងមនុស្ស មកអធិការដ្ឋាននគរបាលក្រុងពោធិ៍សាត់ ទុកដោះស្រាយ ។ លុះថ្ងៃទី១៧ ខែកុម្ភៈ ឆ្នាំ២០២០ ស្នងការខេត្តពោធិ៍សាត់គឺ លោកឧត្ដមសេនីយ៍ទោ សារុន ចាន់ធី បញ្ជាអោយដោះលែងរថយន្ដ និងជនបង្កតែម្ដង ដោយគ្មានដំណោះស្រាយចំពោះជនរងគ្រោះបន្តិចសោះឡើយ។ ចំណែក ជនរងគ្រោះដោយរបួសធ្ងន់ពេក ក៏យកទៅព្យាបាលនៅប្រទេសវៀតណាម រហូតមកដល់ថ្ងៃទី២៧ ខែកុម្ភៈ ឆ្នាំ២០២០ នេះ មិនទាន់បានចេញពីមន្ទីរពេទ្យនៅឡើយទេ។
ជុំវិញរឿងរ៉ាវដោះលែងនេះ បន្ទាប់ពីមានការរិះគន់កក្រើកហ្វេសប៊ុកមក សមត្ថកិច្ចរបស់ស្នងការដ្ឋានខេត្តពោធិ៍សាត់ បានទាក់មកជនរងគ្រោះ ដើម្បីដោះស្រាយគ្នា។ តែដោយជនរងគ្រោះនៅរបួសធ្ងន់មិនទាន់បានទៅដោះស្រាយគ្នានៅឡើយទេ ៕
[wai id="6"]