[wai id="5"]
[wai id="7"]
…ចាប់ពីពេលនេះតទៅសង្ឍឹមថា ពាក្យសម្តីរិះគន់ដែលលេចឮសំដៅទៅលើបងៗប៉ូលិសចរាចរណ៍ថា ចាប់ផាកពិន័យអ្នកបើកបរល្មើសច្បាប់…ហ៊ានតែជាមួយអ្នកតូចតាចប៉ុណ្ណោះ តែចំពោះអ្នកបើកបរល្មើសច្បាស់ជាអ្នកអន្ទ្រើស…មន្ត្រីមានស័ក្តិមានផ្កាយធ្ងន់ៗណាស់លើស្មាអត់ហ៊ានក្អកដាក់ទេនោះប្រាកដជាជ្រុះបាត់លែងកើតមានពាក្យសម្តីមាត់ព្រាប មាត់ចាបបែបនេះតទៅទៀតឡើយ។ ដ្បិតអីសម្តេចក្រឡាហោមសខេងឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃបានឈរនៅពីក្រោយខ្នងហើយ។ ដូច្នេះអស់លោកប៉ូលិសចរាចរណ៍លុបបានឬមិនបានចំពោះពាក្យសម្តីមិនពិរោះស្តាប់នេះអាស្រ័យទៅលើស្មារតីរបស់អស់លោកហ៊ានឬមិនហ៊ានប៉ុណ្ណោះ!។សម្តេចក្រឡាហោម ស ខេង បានប្រកាសចេញមុខការពារ និងជួយនគរបាលចរាចរណ៍ដែលចាប់ពិន័យអ្នកធំ ឬមន្ត្រីមានអំណាចទាំងឡាយណា ដែលមិនគោរពច្បាប់ចរាចរណ៍។
ពាណិជ្ជកម្ម
ក្នុងពិធីសម្ពោធដាក់ឱ្យប្រើប្រាស់ជាផ្លូវការអគារសិក្សា ទីចាត់ការ អគាររដ្ឋបាល ឃុំ និងសមិទ្ធផលនានា នៅក្នុងស្រុកកំចាយមារ ខេត្តព្រៃវែង នៅថ្ងៃទី២៥ ខែកុម្ភៈនេះ សម្តេចក្រឡាហោម ស ខេង មានប្រសាសន៍ថា “ទាំងអស់គ្នាមានសិទ្ធិស្មើភាពគ្នាចំពោះមុខច្បាប់ អត់មា ន លើកលែងអ្នកណាទេ ឱ្យតែខុសច្បាប់។អ្នកខ្លះថាទេ ប៉ូលីសចរាចរណ៍ស័ក្តិ១ ដល់ចាប់ឧត្តមសេនីយ៍ប៉ូលីសពាក់ផ្កាយ៣ ចាប់ឧត្តមសេនីយ៍យោធាពាក់ផ្កាយ៣ អត់ត្រូវទេធ្វើអីចឹ្ចង។ ខ្ញុំសួរតើធ្វើម៉េចបានត្រូវ តែច្បាប់ចែងថាមនុស្សមានសិទ្ធិស្មើគ្នាចំពោះមុខច្បាប់ ទោះបីអ្នកឯកផ្កាយ៤ក៏ដោយ បើកឡានបុកគេ ប៉ូលីផ្កាយមួយ ឬស័ក្តិមួយ ឬក៏ពលបាលត្រីទេ ក៏ចាប់បានដែរព្រោះមានសិទ្ធិ ស្មើភាពគ្នាចំពោះមុខច្បាប់។”សម្តេចក្រឡាហោមបានបន្តថា ទោះបីជាមានស័ក្តិ ឬតូនាទីជាអ្នកតំណាងរាស្ត្រ ដែលធ្វើ ច្បាប់យ៉ាងណាក្តីបើមិនគោរពច្បាប់ ក៏ត្រូវអនុវត្តន៍ច្បាប់ដែរ។ តួនាទីរដ្ឋមន្ត្រីបើមិនគោរពច្បាប់ក៏ខុសផ្កាយ៤ក៏ដោយបើធ្វើខុសច្បាប់គឺខុស។ សម្ដេចក្រឡាហោមបានថ្លែងបញ្ជាក់ថា “អីញ្ចឹងសុំឱ្យអស់លោកប៉ូលីសធ្វើទៅ ហើយមានអីឆ្លើយដាក់ខ្ញុំមក ខ្ញុំការពារ អីញ្ចឹងអត់ហ៊ានធ្វើទេ គ្រាន់តែ ដោះមួកមករួចខ្លួននោះ រឿងហ្នឹងអត់ទេ គឺអ្នកណាក៏ដោយត្រូវតែអនុវត្តន៍ច្បាប់”។
ត្រង់ចំណុចនេះ សម្តេចក្រឡាហោម ស ខេង បានគូសបញ្ជាក់ថា ច្បាប់ធ្វើឡើងសម្រាប់មនុស្សគ្រប់គ្នាមិនមែនសម្រាប់អ្នកណាម្នាក់ មិនមែនសម្រាប់ក្មេង ចាស់ ប្រុស ស្រី អ្នកតូច អ្នកធំនោះទេ គឺប្រជាជនទាំងអស់នៅក្រោមច្បាប់៕
[wai id="6"]
