[wai id="5"]
[wai id="7"]
…នៅបណ្តាប្រទេសមួយចំនួនក្រុមអ្នកស្រាវជ្រាវបានរុករកប្រទះឃើញនូវទីក្រុងបូរាណដែលលិចកប់នៅក្នុងទឹក ឬកប់នៅក្នុងស្រទាប់ដី។ ជាថ្មីម្តងទៀតនេះ ទីក្រុងក្រោមដីអាយុកាល2,000ឆ្នាំ ត្រូវបានរកឃើញដោយអ្នកវិទ្យាសាស្ត្រអ៊ីរ៉ង់ ប៉ុន្តែអ្វីដែលគេឃើញនៅក្នុងទីក្រុងនោះគឺហួសពីការគិតទុក និងគួរឲ្យខ្លាច។ វាមានទីតាំងស្ថិតនៅក្បែរទីក្រុងSamen។
ពាណិជ្ជកម្ម
នៅទីនេះអ្នកបុរាណវិទ្យាបានជីករុករកក្នុងបន្ទប់ក្រោមដីធំៗចំនួន៥០ ដែលគេជឿថាជាផ្ទះកាលពី2,000ឆ្នាំមុន។ បន្ទាប់ពីរយៈពេល១២ឆ្នាំនៃកំណាយនៅទីនេះ អ្នកស្រាវជ្រាវបានឃើញមាននូវវត្ថុបុរាណរាប់មិនអស់ គ្រោងឆ្អឹងមនុស្ស និងបន្ទប់ចំនួន50ដែលមានទំហំខុសៗគ្នានិងភ្ជាប់គ្នាដោយរូងក្រោមដី ដែលត្រូវបានកសាងឡើងប្រហែល2,000ឆ្នាំមុនក្នុងពេលដួលរលំនៃអាណាចក្រAchaemenid និងការកើតឡើងនៃអាណាចក្រ Parthian មុនគ.ស។យ៉ាងណាក៏ដោយអ្វីដែលគួរឲ្យខ្លាចនោះគឺ អ្នកជំនាញបានរកឃើញនូវគ្រោងឆ្អឹងចំនួនប្រហែល60 ហើយអ្នកវិទ្យាសាស្ត្រនៅតែមិនទាន់ដឹងច្បាស់ថា មានអ្វីកើតឡើងចំពោះទីក្រុងក្រោមដីនេះ ហើយហេតុអ្វីបានជាវាត្រូវបានគេបោះបង់ចោល។
តាមអ្នកជំនាញ ទីតាំងនេះត្រូវបានប្រើប្រាស់ក្នុងគោលបំណងជាច្រើនទៅតាមសម័យកាលផ្សេងៗគ្នា ដោយដំបូងវាជាកន្លែងប្រារព្ធពិធីសាសនា បន្ទាប់មកជាកន្លែងបញ្ចុះសព និងក្រោយមកប្រើជាជំរកពេលមានអាសន្ន។ ការធ្វើកំណាយនៅតែបន្តធ្វើទៀត ដោយសង្ឃឹមថានឹងរកឃើញបន្ទប់បន្ថែមទៀត និងអាចសិក្សាបន្ថែមទៀតពីទីក្រុងបុរាណក្រោមដីនេះ៕
[wai id="6"]
