[wai id="5"]
[wai id="7"]
...កូនកម្លោះកូនក្រមុំមួយគូនេះបានកំណត់យកថ្ងៃមង្គលការរបស់ពួកគេតាំងពីមិនទាន់ផ្ទុះឡើងនូវវីរ៉ុសកូរ៉ូណាម្ល៉េះ។ ប៉ុន្តែទោះបីជាវីរ៉ុសកូរ៉ូណាផ្ទុះឡើងក្តីក៏ថ្ងៃមង្គលការអត់លើកពេលដែរគ្រាន់តែស្ថិតក្នុងសភាពសោះកក្រោះតែប៉ុណ្ណោះ។ក្រោយពីមានការរាលដាលនៃវីរុសកូរ៉ូណា រដ្ឋាភិបាលចិនបានអំពាវនាវឲ្យប្រជាពលរដ្ឋរបស់ខ្លួនចៀសវាងការជុំគ្នានៅទីប្រជុំជន។ អាស្រ័យហេតុនេះ គូស្នេហ៍មិនតិចឡើយ បានជ្រើសយកការផ្អាកមង្គលការរបស់ខ្លួន។ យ៉ាងណាក្ដី ដោយសារតែមិនអាចចៀសបាន ដូចនេះហើយ លោក Zhang Long និងអ្នកនាង Chen Xiao រស់នៅខេត្ត San Dong ប្រទេសចិន នៅតែប្ដេជ្ញាចិត្តរៀបការ ដោយវិធីពិសេស។
ពាណិជ្ជកម្ម
គូស្នេហ៍មួយនេះបានរៀបការយ៉ាងប្រថុចញ៉ុចនៅមុខផ្ទះកូនក្រមុំ។ មង្គលការត្រូវប្រព្រឹត្តឡើងដោយគ្មានជាងថតរូប គ្មានភ្ញៀវណាចូលរួមទាំងអស់ មានតែឪពុកម្ដាយសងខាងប៉ុណ្ណោះ។កូនកម្លោះ Zhang បានឲ្យដឹងថា៖ ពួកយើងកំពុងស្ថិតក្នុងពេលទប់ស្កាត់វីរុសឆ្លង ដូចនេះពួកខ្ញុំបានសម្រេចចិត្តមិនអញ្ជើញភ្ញៀវណាទាំងអស់។ប៉ុន្តែទោះបីជាយ៉ាងណាក៏ដោយ មង្គលការក៏ជាសុភមង្គលផ្ទាល់ខ្លួនរបស់ពួកខ្ញុំប៉ុណ្ណោះ។នៅពេលរៀបការ កូនកម្លោះកូនក្រមុំពាក់ម៉ាសឡើងជិត ហើយពិធីទាំងមូលត្រូវបានធ្វើឡើង តែរយៈពេល២នាទីប៉ុណ្ណោះ។ អ្នកទាំង២គ្មានពេលស្បថស្បែរនឹងគ្នា មិនបានថើបគ្នាទេ។ កូនកំលោះបាននិយាយលេងសើចថា លោក មិនបានឃើញពណ៌ក្រែមរបស់ប្រពន្ធខ្លួនឡើយ។ តាមផ្លូវទៅវិញ គូស្នេហ៍ប្ដីប្រពន្ធថ្មី បានឆ្លងកន្លែងពិនិត្យកម្ដៅ៣កន្លែង ហើយមន្ត្រីនៅទីនេះ សុទ្ធតែបានជូនពរពួកគេទាំងអស់។
សកម្មភាពរបស់ អ្នកទាំង២ខាងលើ ទទួលបានការសរសើរពីមហាជនជាច្រើន ដ្បិតអ្នកទាំង២មិនអាត្មានិយម អញ្ជើញភ្ញៀវច្រើននាក់ ដូចមង្គលការដទៃ ខណៈកំពុងមានវីរុសកូរ៉ូណារាលដាល៕
[wai id="6"]