…ដោយសារតែរាប់ម្រាមដៃកំណត់ច្បាស់ក្នុងចិត្តថានៅសល់ពេលជាច្រើនថ្ងៃទៀតទើបឆ្លងទន្លេម្ល៉ោះហើយ ស្ត្រីជនជាតិហ្វីលីពីនម្នាក់នេះបានជិះយន្តហោះទៅលេងផ្ទះឪពុក-ម្តាយរបស់នាង។ ប៉ុន្តែជាចៃដន្យស្ថិតក្នុងយន្តហោះរឿងរ៉ាវមួយបានកើតឡើង ហេតុការណ៏ដ៏គួឲ្យភ្ញាក់ផ្អើលមួយនេះ ដោយក្រុមហ៊ុនអាកាសចរណ៏នៃយន្តហោះ Jet Airways បានផ្តល់ការដូពិសេសមួយនៅពេលកំពុងធ្វើដំណើរនៅលើអាកាស ដោយស្ត្រីម្នាកបានសម្រាលកូននៅលើយន្តហោះ។
ចំពោះទារកម្នាក់ដែលបានកើតនៅលើយន្តហោះ Jet Airwaysនេះ នឹងត្រូវបានអនុញ្ញាតឲ្យជិះយន្តហោះដោយឥតគិតថ្លៃក្នុងរយៈពេលពេញមួយជីវិតតែម្តង របស់ក្រុមហ៊ុនអាកាសចរណ៏នៃយន្តហោះ Jet Airways ។ម្តាយរបស់ទារក ជាជនជាតិហ្វីលីពី ដោយនាងមិននឹកស្មានថាកូនរបស់នាងត្រូវបានសម្រាលនៅមុនថ្ងៃកំណត់នៅថ្ងៃនោះទេ ខណៈដែលយន្តហោះកំពុងតែហោះនៅលើអាកាស ។ នៅក្នុងយន្តហោះ ដែលមានផ្ទុកអ្នកដំណើចំនួន១៦២នាក់ ដោយធ្វើដំណើរចេញពី អារ៉ាប៊ីសាអូឌីត ឆ្ពោះទៅកាន់ប្រទេសឥណ្ឌា ប៉ុន្តែដោយស្ថិតនៅក្នុងស្ថានភាពបែបនេះ យន្តហោះនេះត្រូវបានបញ្ជាឲ្យបែទិសចុះនៅទីក្រុង ប៊ុមបៃ វិញ ដើម្បីបញ្ជូនក្មេងនឹងម្តាយទៅកាន់មន្ទីពេទ្យនៅទីនោះ។
នៅក្នុងការសំរាលទារកនេះត្រូវបានបុគ្គលិកអាកាយាននិកនិងគិលានុបដ្ឋាយិកា រួមទាំងអ្នករួមដំណើរនៅក្នុងយន្តហោះទាំងអស់ជួយគ្នាសម្រាលទារកដែលមានសំណាងខាងលើនេះ ។ គួបញ្ជាក់ផងដែរថា ក្រុមហ៊ុនអាកាសចរណ៏អន្តរជាតិ Jet Airwaysនេះ ត្រូវបានគេពេញនិយមជិះយ៉ាងខ្លាំងនៅក្នុងប្រទេសឥណ្ឌា ដោយហោះហើទៅកាន់គោលដៅចំនួយ៦៥ នៅទូទាំងពិភពលោក៕
