[wai id="5"]
[wai id="7"]
…ពាក្យចាស់មួយឃ្លាបានពោលថា…«ស៊ូចង្អៀតផ្ទះកុំឲ្យតែចង្អៀតចិត្ត» បានសេចក្តីថា...ផ្ទះមួយមានសមាជិករស់នៅជុំគ្នាច្រើននាក់មែន តែបើទឹកចិត្តល្អចេះយោគយល់អធ្យាស្រ័យគ្នាទៅវិញទៅមកភាពរកាំរកូសគ្មានកើតឡើងនោះទេ។ប៉ុន្តែបើកើតមានចិត្តទាស់លិចទាស់កើត ទោះជារស់នៅគ្នាតិចក៏ដោយ ក៏ធុញថប់ក្នុងចិត្តដូចមានដុំថ្មសង្កត់ពីលើដើមទ្រូងយ៉ាងអញ្ចឹង។ ជាការពិតណាស់ សម្រាប់អ្នកដែលរស់នៅមានគ្នាច្រើននៅក្នុងផ្ទះ ពិតជាមានអារម្មណ៍ថាអស់កម្លាំង ពេលក្រឡេកទៅមើលចានបាយដែលបរិភោគរួចមួយពេលៗ និង ជារឿយៗ គឺអ្នកតែងតែចង់គេចវេស មិនលាងចានឆ្នាំងនោះឡើយ ។
ពាណិជ្ជកម្ម
ការពិតទៅ យោងតាមការសិក្សាថ្មីៗនេះបានបង្ហាញថា ការលាងចានជួយឱ្យអ្នកកាត់បន្ថយស្ត្រេស និង ការធុញថប់ទៅវិញទេ ប្រសិនបើអ្នកធ្វើវាចេញពីចិត្ត ។ នេះបើតាមការសិក្សារបស់ក្រុមអ្នកស្រាជ្រាវនៃសាកលវិទ្យាល័យរដ្ឋ Florida ដែលសិក្សាទៅលើសិស្សប្រមាណជា៥១នាក់ ដែលបានលាងចានច្រើន ។ក្រុមអ្នកស្រាវជ្រាវបានឱ្យដឹងបន្ទាប់ពីធ្វើការអង្កេតជាមួយអ្នកទាំង៥១ រួចហើយជាមួយនឹងការឱ្យពួកគេធ្វើតាមសកម្មភាពខ្លះៗដែលបានរៀបចំពេលកំពុងលាងចាន ដែលមានសរសេរនៅក្នុងក្រដាស “ចំនុចដែលត្រូវប្រុងប្រយ័ត្ន និងត្រូវអាន” ដែលនិយាយអំពីការដកដង្ហើមចេញចូល ការផ្ចង់អារម្មណ៍ នឹងទទួលយករូបភាពទាំងអស់ពេលយើងកំពុងធ្វើជាដើម ។
ជាលទ្ធផល បានបង្ហាញឱ្យយើងឃើញថា អ្នកដែលលាងចានដោយផ្ចង់អារម្មណ៍ ផ្តោតទៅលើក្លិនសាប៊ូ ទទួលយកអារម្មណ៍ពីទឹកជាដើម គឺពិតជាអាចកាត់បន្ថយអារម្មណ៍តានតឹងរបស់ពួកគេបាន មិនត្រឹមតែប៉ុណ្ណោះបែជាបង្កើនអារម្មណ៍នៃការលើកទឹកចិត្តឱ្យពួកគេ ២៥% ក៏ដូចជាកាត់ផ្តាច់ភាពភ័យខ្លាចក្នុងអារម្មណ៍បាន ២៧% ៕
[wai id="6"]
