[wai id="5"]
[wai id="7"]
…កន្លងៗមករឿងរ៉ាវឪពុកជ្រុះស័ក្តិធ្លាក់ចុះពីលើស្មាបាត់បង់ការងារអស់រលីងក៏ព្រោះតែមានចរិតឆេវឆាវឆក់ចូលទៅពាក់ព័ន្ធនៅក្នុងជម្លោះរបស់កូនជាមួយក្មេងដទៃ។ ប៉ុន្តែទោះបីជាកើតមាននូវករណីបែបនេះច្រើនរួចមកហើយក្តីតែរឿងដូចគ្នានេះចេញតែបន្តកើតមានជារឿយៗទៀតអស់ព្រមទុកជាគំរូសោះ។ ដូចជារឿងរ៉ាវរបស់បុរសជាមន្ត្រីប៉ូលិសម្នាក់នេះនៅពេលដែលហក់ចូលទៅក្នុងជម្លោះរបស់កូនស្រីជាមួយសិស្សស្រីផ្សេងទៀត…មានមតិរិះគន់សឹងតែកក្រើកហ្វេសប៊ុកទៅហើយ។ ឥឡូវពេលនេះទឹកភ្នែកកូនស្រីពៅរបស់ឪពុកដែលបានឆេវឆាវមួយគ្រាបានស្រក់ចុះអង្វរសុំក្តីមេត្តាពីតុលាការ…។
ពាណិជ្ជកម្ម
កូនស្រីពៅរបស់មន្ត្រីនគរបាលបម្រើការងារនៅនាយកដ្ឋាននគរបាលបច្ចេកទេសវិទ្យាសាស្ត្រ ក្រសួងមហាផ្ទៃបាន លើកដៃសំពះសុំក្តីមេត្តាពីក្រសួងយុត្តិធម៌ និងតុលាការ ឲ្យធ្វើការដោះលែងឪពុករបស់ខ្លួនឲ្យមានសេរីភាព ដោយនាងអះអាងថា ឪពុកខ្លួនមិនបានវាយសិស្សសាលាជម្ពូវ័ន្តទាំង៥នាក់នោះឲ្យរងរបួសនោះទេ គ្រាន់តែចូលទៅឃាត់និងចាប់ក្មេងៗនោះតែប៉ុណ្ណោះ តែក្រោយមកត្រូវបានសាលា ទូរស័ព្ទហៅប៉ូលីស ដើម្បីនាំមកដោះស្រាយគ្នា នៅនគរបាលប៉ុស្តិ៍ ។កូនស្រីពៅមន្ត្រីនគរបាលរូបនេះ បានរៀបរាប់ទាំងអួលដើមកថារាល់ថ្ងៃលំបាកណាស់ទៅហើយ មិនមែនត្រឹមតែជានគរបាល តែពេលទំនេរឪពុកគឺជាអ្នករត់កង់បី មានតែឪពុកគ្រាន់រកស៊ីចិញ្ចឹម ចុះពេលនេះសង្ឃឹមអីបើឪពុកបានត្រូវចាប់ខ្លួនបែបនេះ បានអ្នកណារកលុយចិញ្ចឹមគ្រួសារ ទាំងដែលឪពុករបស់ខ្លួនមិនវាយពួកគេនោះទេ ។បុរសជាឪពុកតែត្រូវបានចាប់ខ្លួនបានអះអាងថា គាត់មិនបានវាយក្មេងៗនោះទេ គ្រាន់តែចូលទៅឃាត់ប៉ុណ្ណោះ តែបែរជាត្រូវសមត្ថកិច្ចឃាត់ខ្លួនតាំងពីពេលនោះមក រហូតដល់ពេលនេះ ។ ចំណែកកូនស្រីពៅនោះ ក៏ត្រូវគេវាយមានស្នាមរបួសជាំពេញទាំងខ្លួន ខណៈដែលក្រុមដែលចោទគាត់នោះ គ្មានស្នាមរបួសអ្វីឡើយ ពិតជារឿងអយុត្តិធម៌ណាស់សម្រាប់លោក ។
នាងជាកូនស្រីពៅ អះអាងថា ពួកគេព្រួតគ្នាវាយមកលើនាង នាងតដៃមិនកើត ទើបតេទូរស័ព្ទហៅឪពុក បើនាងមិនតេហៅឪពុកមកទេ វាក៏គ្មានរឿងនាំទុក្ខដល់ឪពុកបែបនេះដែរ ដូច្នេះសូមមេត្តាដោះលែងឪពុកនាង ដែលគ្មានកំហុសនេះផង ៕
[wai id="6"]
