[wai id="5"]
[wai id="7"]
បន្ទាប់ពី បុរសជនជាតិ ខ្មែរវ័យ៣៨ឆ្នាំម្នាក់ត្រូវបានក្រុមគ្រូពេទ្យធ្វើតេស្ដរកឃើញលទ្ធផលវិជ្ជមានថា មានឆ្លងវីរុស COVID-19 ដោយសារលោកធ្លាប់បានប្រាស្រ័យ ទាក់ទងផ្ទាល់ជាមួយនឹងបុរសជនជាតិជប៉ុនម្នាក់ ដែលត្រូវបានរកឃើញថា មានផ្ទុកវីរុសនេះ ក្រោយចេញផុតពីកម្ពុជាទៅដល់មាតុភូមិកំណើតខ្លួន។
លោកស្រី ឱ វណ្ណឌីនបានបន្តថា ការសន្និដ្ឋានរបស់ក្រុមការងារបច្ចេកទេស ដែលមានបុគ្គលិកអង្គការសុខភាពពិភពលោក បុគ្គលិកមជ្ឈមណ្ឌលប្រយុទ្ធនិងជំងឺឆ្លង នៃសហរដ្ឋអាមេរិក បុគ្គលិកនៃវិទ្យាស្ថានប៉ាស្ទ័រកម្ពុជា បុគ្គលិកនៃវិទ្យាស្ថានស្រាវជ្រាវ សាធារណៈ ក្រុមការងារក្រសួងសុខាភិបាល និងក្រុមការងារមន្ទីរសុខាភិបាលខេត្ត សៀមរាប បានប្រជុំពិភាក្សាគ្នាយ៉ាងលម្អិតក្រោយពីមានការធ្វើការតាមដាន និងស្រាវជ្រាវយ៉ាងសកម្ម តាំងពីថ្ងៃទី៦ ខែមីនា ឆ្នាំ២០២០ រហូតមកដល់ថ្ងៃទី៩ ខែមីនា ឆ្នាំ២០២០ គឺមិនទាន់មានការចម្លងចូលទៅក្នុងសហគមន៍ណាមួយនៅក្នុងខេត្តសៀមរាបនៅឡើយទេ។ ហើយការចម្លងនេះ គឺមានតែលើបុគ្គលជនជាតិខ្មែរ អាយុ៣៨ឆ្នាំតែម្នាក់ ប៉ុណ្ណោះ ដែលគាត់បានឆ្លងពីបុរសជនជាតិជប៉ុន ក្រៅពីនេះមិនមានអ្នក ណាបានឆ្លងជំងឺកូវីដ ១៩ (Covid-19) ទេ។
ពាណិជ្ជកម្ម
គួរបញ្ជាក់ដែរថា លាងដៃនឹងសាប៊ូ ដុសឱ្យសព្វម្រាម រយៈពេលពេលយ៉ាងហោច២០វិនាទី ឱ្យបានញឹកញាប់។ បើគ្មានទឹកនិងសាប៊ូទេ លោកអ្នកប្រើល្បាយអាល់កុល ជាជែលសម្លាប់មេរោគក៏បាន។ កាយវិការនេះ អាចការពារមេរោគកូរ៉ូណាផង និងរាល់គ្រប់មេរោគមួយចំនួនធំទៀត រាប់ទាំងវីរុសគ្រុនផ្តាសាយធំផង។
ចៀសវាងកុំយកដៃមិនស្អាត មិនបានលាងនឹងសាប៊ូ ទៅញី ទៅប៉ះភ្នែក ឬច្រមុះ និងមាត់។
ខ្ទប់មាត់ពេលកណ្តាស់និងក្អក ដោយប្រើកែងដៃ ឬក្រដាសជូត ដែលរួចត្រូវបោះចោលក្នុងធុងសំរាមឱ្យបានត្រឹមត្រូវ។
ចៀសវាងកុំទៅជួបមនុស្សមានជំងឺ
បើអ្នកសង្ស័យថាខ្លួនឯងមិនស្រួលខ្លួន មានអាការៈក្តៅខ្លួន ផ្តាសាយ ក្អក កណ្តាស់ សូមពាក់ម៉ាស។ ម៉ាសដែលមានដាក់លក់នៅតាមឱសថស្ថាន ផលិតឡើងក្នុងបំណងឱ្យអ្នកជំងឺពាក់ដើម្បីបញ្ចៀសការបញ្ចេញមេរោគ ទៅក្នុងខ្យល់ចម្លងទៅអ្នកដទៃ និងមានប្រសិទ្ធភាពក្នុងរយៈពេលកំណត់មួយ៕
[wai id="6"]