ស្រ្ដីអង់គ្លេសម្នាក់ អាយុ៦៥ឆ្នាំ ធ្វើដំណើរតាមនាវាចេញពីប្រទេសវៀតណាម មកចូលសំចត នៅខេត្តកំពង់ចាម ត្រូវបានអាជ្ញាធរសុខាភិបាលកម្ពុជា នាំទៅធ្វើតេស្តនៅមន្ទីរមិត្តភាពខ្មែរ-សូវៀត រាជធានីភ្នំពេញ រកឃើញមានផ្ទុកវីរុស Covid-19 កាលពីល្ងាច ថ្ងៃទី១០ ខែមីនា ឆ្នាំ២០២០។
លោក ម៉ម ប៊ុនហេង រដ្ឋមន្រ្តីក្រសួងសុខាភិបាល បានថ្លែង នៅក្នុងសន្និសីទកាសែត កាលពីយប់ ថ្ងៃអង្គារ ទី១០ ខែមីនា ឆ្នាំ២០២០ថា ស្រ្តីជនជាតិអង់គ្លេសរូបនេះ និងអ្នករួមដំណើរជាមួយគ្នា៤នាក់ទៀត បានធ្វើដំណើរតាមយន្តហោះ ចាកចេញពីទីក្រុងឡុងដ៏ ប្រទេសអង់គ្លេស មកកាន់ប្រទេសវៀតណាម។ លុះមកដល់ថ្ងៃទី៥ ខែមីនា ពួកគាត់បានបន្តដំណើរតាមនាវា ចាកចេញពីទីក្រុងហូជីមីញ ហើយមកដល់កំពង់ផែភ្នំពេញ កាលពីថ្ងៃទី៧ ខែមីនា។
លោករដ្ឋមន្រ្ដីក្រសួងសុខាភិបាល បានបន្ដថា ក្រោយពេលពេលមកដល់កំពង់ផែក្រុងភ្នំពេញ ស្រ្តីអង់គ្លេស៣នាក់ ក្នុងចំណោម៥នាក់បានយល់ព្រមឱ្យពិនិត្យសុខភាព ខណ:២រូបទៀតមិនព្រមឱ្យពិនិត្យសុខភាពទេ ដោយអះអាងថា ពួកគាត់មិនមានបញ្ហាសុខភាព នោះឡើយ។ បន្ទាប់មកស្រ្ដីអង់គ្លេសទាំងអស់នោះបានបន្ដដំណើរតាមនាវា ចាកចេញពីរាជធានីភ្នំពេញ ឆ្ពោះទៅសំចតនៅកំពង់ផែ ក្រុងកំពង់ចាម។ ប៉ុន្តែពេលនោះភាគីវៀតណាមបានផ្តល់ដំណឹងមកភាគីកម្ពុជា ក្នុងករណីសង្ស័យឆ្លងវីរុស Covid-19 លើស្ត្រីជនជាតិអង់គ្លេសនៅលើនាវាខាងលើ។
លោករដ្ឋមន្រ្ដី បានបន្ដថា ក្រោយពេលទទួលបានព័ត៌មានបែបនេះ ក្រសួងសុខាភិបាល បានធ្វើសកម្មភាពភ្លាមៗ រកស្ត្រីជនជាតិអង់គ្លេសនោះ ហើយនាំគាត់មកកាន់កន្លែងពិនិត្យរកមេរោគ នៅមន្ទីរពេទ្យរុស្សី។ ប៉ុន្ដែបើតាមលទ្ធផលធ្វើតេស្ដ កាលពីល្ងាចថ្ងៃទី១០ ខែមីនា បានបង្ហាញថា មានវិជ្ជមាន នៃវីរុស Covid-19 ហើយគាត់ត្រូវដាក់ព្យាបាលឲ្យនៅដាច់ដោយឡែក។
បើតាមការបញ្ជាក់ពីក្រសួងសុខាភិបាល បានឲ្យដឹងថា រហូតមកដល់ពេលនេះ មនុស្សនៅលើនាវាទាំង៦៤នាក់ មិនត្រូវបានអនុញ្ញាតឱ្យចាកចេញពីនាវានោះឡើយ។ ពួកគេត្រូវស្ថិតក្រោមការតាមដានពិនិត្យសុខភាពយ៉ាងយកចិត្តទុកដាក់ពីក្រសួងសុខាភិបាលកម្ពុជា៕
លោក ម៉ម ប៊ុនហេង រដ្ឋមន្រ្តីក្រសួងសុខាភិបាល បានថ្លែង នៅក្នុងសន្និសីទកាសែត កាលពីយប់ ថ្ងៃអង្គារ ទី១០ ខែមីនា ឆ្នាំ២០២០ថា ស្រ្តីជនជាតិអង់គ្លេសរូបនេះ និងអ្នករួមដំណើរជាមួយគ្នា៤នាក់ទៀត បានធ្វើដំណើរតាមយន្តហោះ ចាកចេញពីទីក្រុងឡុងដ៏ ប្រទេសអង់គ្លេស មកកាន់ប្រទេសវៀតណាម។ លុះមកដល់ថ្ងៃទី៥ ខែមីនា ពួកគាត់បានបន្តដំណើរតាមនាវា ចាកចេញពីទីក្រុងហូជីមីញ ហើយមកដល់កំពង់ផែភ្នំពេញ កាលពីថ្ងៃទី៧ ខែមីនា។
លោករដ្ឋមន្រ្ដីក្រសួងសុខាភិបាល បានបន្ដថា ក្រោយពេលពេលមកដល់កំពង់ផែក្រុងភ្នំពេញ ស្រ្តីអង់គ្លេស៣នាក់ ក្នុងចំណោម៥នាក់បានយល់ព្រមឱ្យពិនិត្យសុខភាព ខណ:២រូបទៀតមិនព្រមឱ្យពិនិត្យសុខភាពទេ ដោយអះអាងថា ពួកគាត់មិនមានបញ្ហាសុខភាព នោះឡើយ។ បន្ទាប់មកស្រ្ដីអង់គ្លេសទាំងអស់នោះបានបន្ដដំណើរតាមនាវា ចាកចេញពីរាជធានីភ្នំពេញ ឆ្ពោះទៅសំចតនៅកំពង់ផែ ក្រុងកំពង់ចាម។ ប៉ុន្តែពេលនោះភាគីវៀតណាមបានផ្តល់ដំណឹងមកភាគីកម្ពុជា ក្នុងករណីសង្ស័យឆ្លងវីរុស Covid-19 លើស្ត្រីជនជាតិអង់គ្លេសនៅលើនាវាខាងលើ។ លោករដ្ឋមន្រ្ដី បានបន្ដថា ក្រោយពេលទទួលបានព័ត៌មានបែបនេះ ក្រសួងសុខាភិបាល បានធ្វើសកម្មភាពភ្លាមៗ រកស្ត្រីជនជាតិអង់គ្លេសនោះ ហើយនាំគាត់មកកាន់កន្លែងពិនិត្យរកមេរោគ នៅមន្ទីរពេទ្យរុស្សី។ ប៉ុន្ដែបើតាមលទ្ធផលធ្វើតេស្ដ កាលពីល្ងាចថ្ងៃទី១០ ខែមីនា បានបង្ហាញថា មានវិជ្ជមាន នៃវីរុស Covid-19 ហើយគាត់ត្រូវដាក់ព្យាបាលឲ្យនៅដាច់ដោយឡែក។
បើតាមការបញ្ជាក់ពីក្រសួងសុខាភិបាល បានឲ្យដឹងថា រហូតមកដល់ពេលនេះ មនុស្សនៅលើនាវាទាំង៦៤នាក់ មិនត្រូវបានអនុញ្ញាតឱ្យចាកចេញពីនាវានោះឡើយ។ ពួកគេត្រូវស្ថិតក្រោមការតាមដានពិនិត្យសុខភាពយ៉ាងយកចិត្តទុកដាក់ពីក្រសួងសុខាភិបាលកម្ពុជា៕
