[wai id="5"]
[wai id="7"]
ការភ័យខ្លាច និងការរើសអើងគ្នា អំឡុងពេលមេរោគកូរ៉ូណា ឬCovid-19 កំពុងមានការឆ្លងនៅលើពិភពលោក បានធ្វើឲ្យសេដ្ឋកិច្ចពិភពលោកក៏រងនូវការវាយប្រហារដោយសារវីរុសនេះផងដែរ។
បើយោងតាមរបាយការណ៍បានមកពីសន្និសីទអង្គការសហប្រជាជាតិស្ដីពីពាណិជ្ជកម្ម ការវិនិយោគ និងការអភិវឌ្ឍ (UNCTAD)បានសន្និដ្ឋានថា ការរីករាលដាលនៃវីរុសកូវីដ ១៩ នឹងជំរុញឲ្យប្រទេសមួយចំនួនធ្លាក់ទៅក្នុងការដើរថយក្រោយនៃសេដ្ឋកិច្ច ហើយនឹងបន្ថយល្បឿនកំណើនយ៉ាងខ្លាំងក្នុងសេដ្ឋកិច្ចពិភពលោកទាំងមូល។ សេដ្ឋកិច្ចពិភពលោកខាតបង់ចន្លោះពី ១ ពាន់ពាន់លាន ទៅ ២ ពាន់ពាន់លានដុល្លារនៅឆ្នាំនេះ និងបានអំពាវនាវឲ្យរដ្ឋាភិបាលត្រូវបង្កើនការចំណាយដើម្បីកាត់បន្ថយផលប៉ះពាល់របស់ខ្លួន។
ពាណិជ្ជកម្ម
ការវាយលុយនៃ មេរោគកូរ៉ូណាថ្មីកំពុងសម្លាប់សេដ្ឋកិច្ចពិភពលោកដូចកាលជំនាន់វិបត្តិហិរញ្ញវត្ថុឆ្នាំ ២០០៨ ព្រោះអ្វីៗវាអាស្រ័យលើកត្តាច្រើន ពិសេសការវិវត្តន៍របស់ Covid-១៩។ សូម្បីតែក្រុមអ្នកជំនាញផ្នែកជំងឺឆ្លងក៏មិនហ៊ានប្រមើលទុក និងមិនអាចនិយាយបានពីកំណើនឥទ្ធិពល និងពីថ្ងៃអវសានរបស់ Covid-១៩។ បើ Covid-១៩ បន្តមានឥទ្ធិពល និងវត្តមានកាន់តែយូរ ផលវិបាកក៏នឹងមានកាន់តែខ្លាំងចំពោះជីវិតមនុស្ស និងសេដ្ឋកិច្ចក្នុងលោក។
ផលប៉ះពាល់សេដ្ឋកិច្ចពិភពលោក អាចនឹងរីកធំឡើងៗដែលមិនទាន់ប៉ាន់ស្មានបានពិតប្រាកដឡើយ ពិសេស វាកើតឡើងស្របពេលដែលសេដ្ឋកិច្ចចិនកំពុងធ្លាក់ចុះ ខណៈពេលដែលក្រុមហ៊ុនអាម៉េរិកមួយចំនួននិងបណ្តា ប្រទេសផ្សេងទៀតកំពុងផ្លាស់ប្តូរខ្សែផ្គត់ផ្គង់ពីប្រទេសចិនទៅកន្លែងផ្សេងទៀតដោយសារពន្ធថ្មី និងភាពតាន តឹង ខាងពាណិជ្ជកម្ម៕
[wai id="6"]