[wai id="6"]
[wai id="7"]
កាលពីពេលកន្លងទៅនេះ លោក ស ថេត ស្នងការនគរបាលរាជធានីភ្នំពេញបានថ្លែងប្រាប់ថាការរឹតបន្តឹងច្បាប់ចរាចរណ៍ផ្លូវគោក នៅពេលយប់នេះគឺមានការត្រួតពិនិត្យសារជាតិស្រវឹងការបើកបរដោយមិនពាក់មួកសុវត្ថិភាពករណីគ្រឿងញៀន និងការប្រើប្រាស់អាវុធខុសច្បាប់ជាដើមនៅតាមបណ្តាគោលដៅនានាក្នុងខណ្ឌទាំង ១៤ ចាប់ពីម៉ោង ១១ យប់ដល់ម៉ោង ២ កន្លះរំលងអធ្រាត្រដើម្បីកាត់បន្ថយករណីគ្រោះថ្នាក់ចរាចរណ៍ និងកាត់បន្ថយករណីបទល្មើសផ្សេងៗ ឱ្យមានការថយចុះរឹតតែខ្លាំងថែមទៀត ។
ពាណិជ្ជកម្ម
យ៉ាងណាមិញថ្មីៗនេះ មានការចុះផ្សាយពីផេកហ្វេសប៊ុកមួយចំនួនថា ផ្លុំជាតិអាល់កុលផ្សងនឹងគ្រោះថ្នាក់កូរ៉ូណា ។ ជុំវិញបញ្ហានេះស្នងការដ្ឋាននគរបាលរាជធានីភ្នំពេញ នៅថ្ងៃទី១៣ មីនានេះ បានចេញការបកស្រាយបំភ្លឺ និងច្រានចោលការចុះផ្សាយនេះ ស្នងការដ្ឋាននគរបាលរាជធានី ពន្យល់ថា រាល់ការផ្លុំដើម្បីត្រួតពិនិត្យជាតិអាល់កុល គឺឧបករណ៍១ ប្រើបានសម្រាប់តែមនុស្សម្នាក់ប៉ុណ្ណោះ ក្រោយពីពិនិត្យរួចឧបករណ៍នោះត្រូវបានបោះចោល ហើយអ្នកថ្មីគឺតែងតែប្រើប្រាស់ឧបករណ៍ថ្មីជានិច្ច។
«កម្លាំងចម្រុះនៃស្នងការនគរបាលរាជធានីភ្នំពេញ តែងតែខិតខំបម្រើប្រជាពលរដ្ឋ ទាំងថ្ងៃ ទាំងយប់ ព្រោះតែដើម្បីការពារសុខសុវត្ថិភាព ជូនប្រជាពលរដ្ឋ ជាពិសេសការរឹតបន្តឹងច្បាប់ចរាចរណ៍ផ្លូវគោក គឺក្នុងគោលបំណងដើម្បីកាត់បន្ថយគ្រោះថ្នាក់ចរាចរណ៍នៅពេល យប់ដោយការបើកបរក្នុងស្ថានភាពស្រវឹង ក៏ដូចជាមិនពាក់មួកសុវត្ថិភាព»៕
[wai id="5"]
